Ditzionàriu in línia
de sa limba e de sa cultura sarda

arrapiànte , nm Definitzione chi costumat a furare, a betare is farrancas a furare, ma nau fintzes de piciochedhu chi furat cosighedhas de pagu contu Sinònimos e contràrios furone, ladrone, mostrengheri, scabeciadori / furànciu 2. a minore fit arrapiante e prepotente Ètimu srd. Tradutziones Frantzesu voleur Ingresu robber Ispagnolu ladrón Italianu rapinatóre Tedescu Räuber.

furòne , agt, nm: furoni Definitzione chi o chie est giau a sa fura, costumat a furare / min. furonedhu Sinònimos e contràrios afufadore, arpiadori, arrapiante, furànciu, irrobbadore, mostrengheri Frases fut cuau in d-una màcia de modhitzi che unu furoni ◊ su furoni no benit si no po torrobbai, bociri e isperdi Terminologia iscientìfica prf Ètimu ltn. furone(m) Tradutziones Frantzesu voleur Ingresu robber Ispagnolu ladrón Italianu ladróne Tedescu räuberisch, Räuber.

ladròne , nm, agt: ladroni, lardoni Definitzione chie o chi est imbitzau a sa fura Sinònimos e contràrios afufadore, arpiadori, arrapiante, forúnciu, fraitzu, furànciu, furone, mostrengheri, scabeciadori, ungiudu Frases essint a denoti coment'e is ladronis de Pisa ◊ su lardoni abarrat cuau coment'e a su margiani, tressendu bèni in conca su de fai Tradutziones Frantzesu voleur Ingresu thief Ispagnolu ladrón Italianu ladro Tedescu Dieb.

mostréngu , agt, nm: mustrencu, mustrengu, mustrincu Definitzione nau de cosa, chi est furada, fata a fura, chi no est legítima; chie furat Sinònimos e contràrios furadu, furuncu, mustrencau / furone | ctr. legítimu, lítzidu Maneras de nàrrere csn: fizu mustrencu = de ómine chentza cojadu; balla mustrenca = isparada chentza ischire a ue at a fèrrere Frases medas colant in cussu locu chin pecos mustrencos ◊ oe apo guasi nonanta annos, totu sos mios: no bi ndhe at mustrengos! ◊ los ant tentos chin d-unu tazu de bacas mustrencas e cundennaos a tres annos perómine 2. zente mustrenca no bi ndhe capitabat ◊ li at fertu a una pala una balla mustrenca 3. at agatau cosa de mustrincos furandhondhedhi su bagadiu Ètimu spn. mostrenco Tradutziones Frantzesu furtif Ingresu furtive Ispagnolu robado, ilegítimo, ladrón Italianu furtivo, illegìttimo Tedescu gestohlen, Diebes.

salteadòre , nm Definitzione furone, chie est avesu a sa fura, acostumat a betare is farrancas a sa gente chi agatat po che dhi furare sa cosa Sinònimos e contràrios arpiadori, arrapiante Ètimu spn. Tradutziones Frantzesu brigand Ingresu brigand Ispagnolu salteador, ladrón Italianu brigante Tedescu Räuber.