Legenda Incurtzaduras | Legenda Sìmbulos

pioànu , agt: pioiganu, piopanu, projanu, proghijanu Definitzione nau de tempus, chi istat proendho dónnia tanti, fatuvatu; nau de abba, chi est de sa chi at própiu Sinònimos e contràrios pioinosu, pióinu, proidore, proigiosu, proíxinu, prótinu | ctr. sicu Frases fit un'atunzu pioanu: pioiat dogni die un'abba serena ◊ ocannu at fatu unu bellu zerru projanu, ma beranu assutu ◊ die piopana, oe!◊ s'annu fit un'ijerru piopanu e fritu meda Terminologia iscientìfica tpm Ètimu srd. Tradutziones Frantzesu pluvieux, eau de pluie Ingresu rainy Ispagnolu lluvioso, pluvial Italianu piovóso, piovano Tedescu regnerisch, Regen.

pioinósu , agt: piopinosu, proinosu Definitzione nau de su tempus (die, istagione, sumana), chi fatuvatu proet Sinònimos e contràrios acuadinu, ispunzigosu, pioanu, pióinu, proíxinu, proigiosu, proischinosu, projosu, prótinu | ctr. asciutu Frases fit logu iscurigadu niedhu e pioinosu ◊ at fatu un'ierru fritu e pioinosu ◊ fit unu sero piopinosu, pariat chi no ndhe la cheriat agabbare ◊ gennàrgiu proinosu, messaju tingiosu Terminologia iscientìfica tpm Ètimu srd. Tradutziones Frantzesu pluvieux Ingresu drizzly Ispagnolu lluvioso Italianu piovigginóso Tedescu regnerisch.

proghinósu , agt: proighinosu, proiginosu, proxinosu Definitzione nau de su tempus (die, istagione, sumana), chi fatuvatu proet Sinònimos e contràrios acuadinu, pioanu, pioinosu, pióinu, proidore, proíxinu, projosu Frases at fatu un'isciorrocada de àcua proxinosa ◊ at fatu unu martu proghinosu ◊ custas sunt dies proghinosas ◊ oi est una dí proxinosa Terminologia iscientìfica tpm Ètimu srd. Tradutziones Frantzesu pluvieux Ingresu rainy Ispagnolu lluvioso Italianu piovóso Tedescu regnerisch.

«« Torra a chircare