Legenda Incurtzaduras | Legenda Sìmbulos

baltzànu , agt, nm: batzanu, brassanu, bratzanu Definitzione si narat de animale chi portat su cambúciu, o àteru arremu (fintzes ogu) de colore diferente s'unu de s'àteru; est númene chi ponent a su cane puru; nau de persona, chi no faet a si fidare, trassera, metzana / su brassanu = su pè (s'ungredha) de su cadhu, de sa baca Sinònimos e contràrios pearbu, pedibbellu / allabentinau, baltzaneri, trasseri, stramu Frases brassanu a unu, a duos, a tres, a bàtoro pes, a pes de nanti, de segus, a pes vicànicos 2. su brassanu bratzu sou crudele e assassinu at fatu subra mia disatinu! ◊ no ti lessas ingannare dai cussu brassanu! ◊ dae tentu, mighi cussu est brassanu! Terminologia iscientìfica ntl Ètimu itl. Tradutziones Frantzesu balzan Ingresu white-footed horse Ispagnolu calzado, manchado, armiño Italianu balzano Tedescu weißgestreift, wunderlich, Sonderling, unzuverläßiger Mensch.

chentriàdu , agt Definitzione chi portat chéntrias, màncias, marcos Sinònimos e contràrios ammarciau, crentiadu, incespiau, macradu, tacadu / biscacadu, incespiau, tzespeadu Ètimu srd. Tradutziones Frantzesu tacheté, bigarré Ingresu spotted, variegated Ispagnolu manchado Italianu macchiato, screziato Tedescu gefleckt, gesprengelt.

incespiàu , pps, agt Definitzione de incespiai; chi est totu istidhigau o a màncias de colores diferentes Sinònimos e contràrios biscacadu, cacarru, chentriadu, manciau, pintarinadu, pintolinadu, tzespeadu | ctr. paramiche, parívile 2. custu est nènniri de trigu, est gravellu incispiau: bellu meda! Tradutziones Frantzesu tacheté Ingresu spotted Ispagnolu manchado, abigarrado Italianu chiazzato Tedescu befleckt.

macràdu , pps, agt: ammargau, macrau, magradu Definitzione de macrare; chi est a magras o a marcos de diferente colore (nau fintzes de bentina de animale), chi est ammanciau, a tretos brutu de cosa chi no ndhe andhat Sinònimos e contràrios incespiau, ziziadu / ammarciau, tacadu 2. su gatu fit pili macradu e murri niedhu ◊ est una craba magrada Tradutziones Frantzesu tacheté, taché, tacheté Ingresu stained Ispagnolu manchado Italianu chiazzato, macchiato Tedescu befleckt, fleckig, gesprenkelt, scheckig, gescheckt, befleckt.

randhinàdu , pps, agt Definitzione de randhinare; nau de su logu, chi dhue at gràndhine de comente ndhe at betau meda; nau de su colore de un'animale in sa pilidura, chi est a pintirighinos mannos de diferente colore Sinònimos e contràrios grandhinadu / cacarru, iscacadu, pintarinadu Frases tempus malu: oe at fintzas randhinadu 2. su logu est abbarradu randhinadu tota die, de cantu at fatu fritu a pustis de cussa nue de cosa 3. isfrunzas randhinadas de usciareu mudant su logu chi parent bandheras ◊ tenzo una pudha randhinada ◊ zughet sa cara randhinada de suore ◊ cussu logu est totu randhinadu de domos, fraighendhe in totue Tradutziones Frantzesu grêlé, tacheté, moucheté Ingresu hailed, punctuated Ispagnolu granizado, manchado, moteado Italianu grandinato, macchiettato Tedescu gehagelt, gesprenkelt, scheckig.

tacàdu , pps, agt: tacatu, tacau, tzacadu Definitzione de tacare, -are 1, tacai, -ai 1; chi portat taca, fintzes mància de male in sa carena Sinònimos e contràrios ammarciau / guastu, mantzadu, punciau, puntu / aciacosu, magagnosu, maladióngiu, malesanu, temósigu, tunconidu, tzimiliosu | ctr. líaru, sanu 2. portat su dentímini tacau Tradutziones Frantzesu taché, tacheté Ingresu stained Ispagnolu manchado Italianu macchiato Tedescu befleckt.

ziziàdu, ziziàtu , agt Definitzione chi est totu frores, a zizios; chi est a marchighedhos de diferente colore, ingespiau Sinònimos e contràrios macradu Frases ziziata bandhela, bandhela de zizia! ◊ basolu, fiore, campu, cane, ziziadu, antunna ziziada Ètimu srd. Tradutziones Frantzesu tacheté Ingresu spotted, flecked Ispagnolu manchado Italianu macchiettato, chiazzato Tedescu besprenkelt, befleckt.

«« Torra a chircare