Legenda Incurtzaduras | Legenda Sìmbulos

coarbédhu , nm: croabedhu, crobedhu, cruabedhu Definitzione ispítzula e fui, muschitu ispitzuladore, inciaspiau, bobboedhu pitichedhedhu chi candho punghet dolet meda Sinònimos e contràrios scaparrosu Frases is sordaus biviant in is coras, poboritus, dí e noti in cumpangia de su síntzulu, de sa bariesa e de su croabedhu (A.Boi) Terminologia iscientìfica crp Ètimu srd. Tradutziones Frantzesu pappataci Ingresu sandfly Ispagnolu mosquito Italianu pappataci Tedescu Pappataci-Mücke.

muscèdra , nf: muscerda, muscerra, muschelda, muscherda, musserda Definitzione genia de musca pitichedhedha (upm), ifadosa ca punghet puru; àtera calidade de muschighedha chi faet in sa binatza, in su frutuàriu guastandhosi; a logos narant muscherda a sa tzuga (tzíntzula); nau in cobertantza, binu Sinònimos e contràrios muschina, muschita / tzíntzula Frases e citidí, misaniu, paris una muscedra de cussas de su binu! 2. arrancu de muscedra, balla: incapat dhi betaus bruncu! ◊ est unu giòvunu de òru, ma po sa muscedra at pecau sèmpiri! Terminologia iscientìfica crp, drosophila melanogaster Ètimu srd. Tradutziones Frantzesu moucheron Ingresu gnat Ispagnolu mosquito Italianu moscerino Tedescu kleine Fliege.

muschína , nf, nm: muschinu Definitzione musca pitichedhedha (upm), de diferentes genias, pruschetotu sa chi faet in sa binatza, in sa fruta guastandhosi, fintzes in su bestiàmene bulu Sinònimos e contràrios muscedra, muschinita, muschita Frases sos boes zughent sa muschina a nues ◊ a su baratu sa zente curret che muschina a su binu! ◊ mi che at intradu una muschina in s'ogru Ètimu srd. Tradutziones Frantzesu moucheron Ingresu gnat Ispagnolu mosquito Italianu moscerino Tedescu kleine Fliege.

muschíta , nf, nm: muschitu Definitzione genia de musca pitichedhedha; in cobertantza si narat fintzes a una piciochedha, a una pipia (e dhu ponent fintzes a númene de cane piticu de arratza); una genia de pigionedhu piticu Sinònimos e contràrios muscedra, muschina / buginu, cherre, ciórighe, pisciagulu, pisinache, pisinatu, suntzuinedhu, tziritziri Frases e candho sos puzonedhos ndi esseint dae s'ou lis batiazis a prou muschitos (A.Casula) 2. pesa a ballare, muschitedha mia, ca ti apo a pònnere coritu e munnedha! Terminologia iscientìfica crp, pzn Ètimu spn. Tradutziones Frantzesu moucheron Ingresu midge Ispagnolu mosquito Italianu moscerino Tedescu kleine Fliege.

sínciu , nm, nf: cínciula, sínsulu, síntzola, sintzu 1, síntzua, síntzula, síntzulu, tíntula, tzíntzalu*, tzintzu Definitzione sa tzuga, genia de bobboitedhu piticu (de tantas genias), ifadosu, cun is alas, bàtoro farranchedhas addaesegus, duas addenanti: faet in logu de abbas firmas, punghet po suspire su sàmbene, faet a iscrafíngiu e podet fintzes (cussa anopheles) pònnere s'infetu de sa malària o (a logos) de àteras maladias Sinònimos e contràrios insínsulu, muscherda, síntziri 1 Frases ingunis no fait a dhoi abarrai ca t'ispítzuat su sintzu ◊ chi m'ispítzuat unu sintzu abarru iscrafendi! ◊ síntzulu iscurregiu chi mi trummentas sa cara!…◊ in bidha naraus su síntzola Sambenados e Provèrbios smb: Sinzu, Sinzula Terminologia iscientìfica crp, culex pipiens, aedes mariae, anopheles labranchiae Tradutziones Frantzesu moustique, anophèle Ingresu gnat Ispagnolu mosquito anofeles Italianu zanzara, anòfele Tedescu Stechmücke, Anopheles.

tíntula , nf, nm: cínciula, sínciu, títula (sa t. = nr. satítula) tzíntzalu* Definitzione tzuga, genia de bobboitedhu piticu (de tantas calidades, upm), ifadosu, cun is alas, bàtoro farranchedhas addaesegus, duas addenanti: faet in logu de abbas firmas, punghet po suspire su sàmbene e podet fintzes (sa anopheles) pònnere s'infetu de sa malària o (a logos) de àteras maladias Sinònimos e contràrios coarbedha Frases tíntulas, muscas, espes e coloras tent èssere totu fóssiles dae ora ◊ sa tíntula est innoghe unu turmentu a dolu de sa pòvera carena! ◊ sa títula, iscude cantu cheres, s'istrésiat ma torrat supra a sutzare Terminologia iscientìfica crp, culex pipiens, aedes mariae, anopheles labranchiae Tradutziones Frantzesu moustique, anophèle Ingresu gnat Ispagnolu mosquito, anofeles Italianu zanzara, anòfele Tedescu Stechmücke.

«« Torra a chircare