Legenda Incurtzaduras | Legenda Sìmbulos

mufròne, mufròni , nm, agt: murvone, murvoni, muvlone, muvrone, muvroni Definitzione unu de is animales arestes chi méngius distinghent sa Sardigna (impare a sa Córsica), de ue si est ispainau in àteros logos: est una genia de brebè in colore de castàngia craru, orrubiastu, po su prus múdula sa fémina, a corros grussos e atrotigaos su mascu, pilosu meda ma no lanosu coment'e is brebès; nau de ccn., chi tenet naturale malu, arestosu / sa fémina: mugra, bítara; su fedu: anzone muroninu, bitu Sinònimos e contràrios mugrone* / agrestosu, mudurcu, murvonassu 2. genti murvona o pronta a incirdinai su coru e intostai is sentidus no nd'at mai nàsciu in bidha ◊ fiat un'ómini rústicu e murvoni Terminologia iscientìfica anra, ovis ammon musimon Tradutziones Frantzesu mouflon Ingresu mouflon, wild sheep Ispagnolu musmón, muflón Italianu muflóne Tedescu Mufflon, Muffelwild, Muffel.

mugróne , nm: murgone, murone Definitzione unu de is animales arestes chi méngius distinghent sa Sardigna (e sa Córsica), de ue si est ispainau in àteros logos: est una genia de brebè in colore de castàngia craru, orrubiastu, po su prus múdula sa fémina, a corros grussos e atrotigaos su mascu, pilosu meda ma no lanosu coment'e is brebès / sa fémina: mugra, bítara; su fedu: anzone muroninu, bitu; murone de bàrdia = su murone chi andhat addainanti e daet atentu pro totu su fiotu: nadu de unu, chi istat ora meda frimmu ritzu, coment'e oretendhe; murone abbandhitadu = su chi sos àteros che catzant a un'ala Sinònimos e contràrios mufrone Frases babbu mi vatuat a inoche a bídere chervos e mugrones ◊ istat solu solu arestadu che murone ◊ allargu dai caminu inue passat murone, no bos det sa corramenta! Sambenados e Provèrbios smb: Murone, Muroni Terminologia iscientìfica anar, ovis ammon musimon Ètimu srdn. Tradutziones Frantzesu mouflon Ingresu mouflon, wild sheep Ispagnolu musmón, muflón Italianu muflóne Tedescu Mufflon, Muffelwild, Muffel.

muntonínu , nm Definitzione pedhe de mascu brebeghinu Tradutziones Frantzesu cuir de mouton, basane Ingresu ram skin Ispagnolu piel de musmón Italianu pèlle di montóne Tedescu Schafleder.

múra 2 , nf: mugra, muvra Definitzione genia de brebè areste: su muvrone fémina Sinònimos e contràrios bítara, mulva* Frases levendhe su sirbone bido una mura e mi fato bàsciu bàsciu pro li tirare ◊ bi fint sas muras a fiotos 2. si a missa calchi bolta andhas, che mura fadhida, ne cuntegnu e ne rispetu, no cumprint a su pretzetu cantos cun tegus bi ndh'at Terminologia iscientìfica anar, ovis ammon musimon Tradutziones Frantzesu mouflon Ingresu mouflon (hen) Ispagnolu musmón, muflón hembra Italianu muflóne fémmina Tedescu Mufflonsweibchen.

«« Torra a chircare