Legenda Incurtzaduras | Legenda Sìmbulos

cantonèra 1 , nf: contonera 1 Definitzione domo po contoneri ororu de ferrovias o de istradas Sinònimos e contràrios cdh. cantunera Frases arribbaus a contonera in moto nci fut sa politzia! ◊ sos contoneris istaiant in contonera ◊ connosco a unu basciotu, bete cara, paret una cantonera! ◊ a manu dereta nci fut Stupara cun is màcias de modhitzi e sa cantonera arrubiasta Ètimu itl. Tradutziones Frantzesu maison cantonnière Ingresu roadman's house Ispagnolu caseta del peón caminero (casilla) Italianu casa cantonièra Tedescu Bahnwärterhaus.

cantonéri 1 , nm: contoneri Definitzione operaju chi contivígiat un'istrada, una línia ferroviària Sinònimos e contràrios cantoneralzu, istradoneri / cdh. cantuneri Terminologia iscientìfica prf Ètimu itl. Tradutziones Frantzesu cantonnier Ingresu signal man (road) Ispagnolu peón caminero, peón de vía Italianu cantonière Tedescu Bahnwärter.

maniàle, maniàli , nm, nf: manibale, manivale Definitzione persona, ómine o fémina, chi si pigat a trebballare a giorronadas, a dies Sinònimos e contràrios gerronaderi, maliani, manòbara, zorronaderu Frases apo impreau bàtoro mastros de muru e manibales a fravicare ◊ pòneti zente, za ndhe as de bellu dinare a pacares manibales! ◊ su trigu de messare est meda ma sos maniales sunt pagos!◊ messandhe zeo fia cun sas maniales nostas ◊ pro agiuare a fàghere su pane beniant sempre sas matessi maniales Ètimu itl. Tradutziones Frantzesu manœuvre, ouvrier agricole Ingresu labourer Ispagnolu peón Italianu manovale, bracciante Tedescu Hilfsarbeiter, Handlanger.

manòbara, manòbra, manòbro, manóbru, manòlba , nm: manorba Definitzione persona chi si pigat a giorronadas, a trebballare, a fàere trebballu grae a manu Sinònimos e contràrios maniale Frases dèu seu trabballendi, tui invècias a su sartu, o a fai su manobra, no bois andai! ◊ unu mastru de muru l'aiat assuntu coment'e manobro ◊ issu at fatu sempri su manòbara e immoi est disocupau Ètimu ctl., spn. manobre Tradutziones Frantzesu manœuvre, aide-maçon (di muratore) Ingresu labourer Ispagnolu peón Italianu manovale Tedescu Hilfsarbeiter, Handlanger.

stradonéri , nm: istradoneri* Definitzione chie trebballat po contivigiare is istradones, istradas Sinònimos e contràrios cantoneri 1 Terminologia iscientìfica prf Tradutziones Frantzesu cantonnier Ingresu roadman Ispagnolu peón caminero Italianu stradino Tedescu Straßenarbeiter.

«« Torra a chircare