Ditzionàriu in línia
de sa limba e de sa cultura sarda

profídia , nf Definitzione opinione, idea, nada contrària a sa de s'àteru, su nàrrere e sighire a nàrrere su contràriu o diferente de su chi narat s'àteru Sinònimos e contràrios abbétia, arrepedhu, repitida Frases una profídia mi tocat a dha fai, poita ca mi parit ca no torrat calancuna cosa (I.Congiu) Ètimu srd. Tradutziones Frantzesu contestation Ingresu contention Ispagnolu protesta Italianu contestazióne Tedescu Einrede.

protèsta , nf Definitzione totu su chi si narat o chi si faet in contràriu po fàere a cumprèndhere o giare a bíere cun fortza chi no si bolet calecuna cosa (o fintzes a favore de un'àtera) Sinònimos e contràrios abbogu Tradutziones Frantzesu protestation Ingresu protest Ispagnolu protesta Italianu protèsta Tedescu Protest.