Legenda Incurtzaduras | Legenda Sìmbulos

lògia , nf: lolla, loxa, loza Definitzione genia de aprigu fora de domo fatu a puntedhos o fintzes a muru, giai sèmpere apertu a una parte, ammontau prus che àteru a sida, po pònnere animales, linna, trastos bècios; in is domos, prus che àteru est unu tretu ananti a sa parte de su cortile, a pilastros, acostiu a sa domo, ammontau che a totu sa domo, una genia de pórciu / domu cun lolla e cun funtana in pratza… = nadu de chie si cret meda, pro lu leare in ziru, a befe, creschindhebbila Frases sunt a briga che pedulianos in loza ◊ in tempus malu sas berbeghes las poniant in sa loza ◊ sunt linnandhe pro prènnere lògias e linnàrgios Sambenados e Provèrbios smb: Loggia, Loggias, Logia, Logias Ètimu itl. loggia Tradutziones Frantzesu galerie Ingresu arcade, roof Ispagnolu pórtico Italianu tettóia, loggiato Tedescu Schuppen, Laubengang.

poltigàle , nm: portigale, pultigali Definitzione in domos e mescamente palàtzios a cara a s'orruga, tretu ororu ammontau a bòveda, a bortas cun arcos e colonnas, ma in apertu ananti Sinònimos e contràrios pólticu, porci Frases sos sónnios mios los gighent a manu tenta suta sos portigales mannos de su chelu ◊ bolo e mi agato in d-unu portigale a muros de oro e totu fioridu Terminologia iscientìfica dmo Ètimu itl. porticale Tradutziones Frantzesu portique Ingresu porch Ispagnolu pórtico, porche Italianu pòrtico Tedescu Portikus, Laubengang.

pòrci , nm: pórciu, pórtziu, portzu, proci, próciu Definitzione in domos e mescamente palàtzios a cara a s'orruga, tretu ororu ammontau a bòveda (de su fràigu etotu), a bortas cun arcos e colonnas, ma apertu ananti de pòdere passare totus: portzu si narat fintzes a sa pontica inter duas domos de un'orruga (a/c.: in DES 297, sa forma pòrci, pròci benit de s'ispagnolu porche e arresurtat cun sa /ò/ aperta; sa forma pórciu, pórtzu, próciu benit de su catalanu porxu e arresurtat cun sa /ó/ serrada) Sinònimos e contràrios pólticu, poltigale, porciada Frases fia isconchiendi sétziu in s'eca de su pórciu ◊ in is ofellerias asuta de is prócius emu biu liconerias chi mi faiant su tziritziri ◊ po pesai a susu tocat a passai in d-unu próciu iscuriosu ◊ totus si poniant in su portzu de Salomone ◊ in dainnantis de su témpiu bi aviat unu pórtziu longu Terminologia iscientìfica dmo Ètimu spn., ctl. porxu Tradutziones Frantzesu portique Ingresu portico Ispagnolu pórtico, porche Italianu pòrtico Tedescu Portikus, Laubengang.

«« Torra a chircare