Ditzionàriu in línia
de sa limba e de sa cultura sarda

benúcru, benúgiu, benúgru, benúgu, benúju, benúrgu, benúxu , nm: binugru, binugu, binuju, brenucu, brenugu, brinucu, ennuju Definitzione s’annoigadórgiu mannu de sa camba, a sa parte de ananti, tra s'ossu de sa còscia e sa cannedha de sa camba, in su tretu de sa néscia; in su bestimentu, su tretu a paris a benugos a sa parte de ananti / sa conca, sa mela, sa padedha, su cúcuru de su benugru = arrodedha, ruédhula, sa giogulana de su benuju, s'ossu tundhu de s'annoigadórgiu Sinònimos e contràrios denucru, fenucru 1, genugu*, ghinúciu Maneras de nàrrere csn: fàmine a benuju = fàmine, bisonzu a meda; betaresiche sos benugros = iscroxaisí is genugus arruendi Frases che zughet totu sos benugros betados ◊ so rutu a binugos fichidos ◊ si est postu a benugu in terra daenante a su babbu ◊ si sunt betados a benúgios a terra ◊ sos fizos sunt naschidos in brenucos de su babbu!…◊ est chin sos cubidales in brenucos e sos càvanos imbaraos a sas manos ◊ su pipiu est istringhendhosi is manos cun is benugos 2. insalada mi ant fatu de fenuju cun duas o tres costas de latuca: a candho custu ant fatu a Padre Luca che det èssere su fàmine a benuju! ◊ bi aiat àstragu e nibe a brinucu 3. zughiat sos pantalones tapulados in benugros Terminologia iscientìfica crn Tradutziones Frantzesu genou Ingresu knee Ispagnolu rodilla Italianu ginòcchio Tedescu Knie.

genúglu, genúgru, genúgu, genúngu , nm: gianugu, gianungu, ginugu, giunugu, zenuju Definitzione s’annoigadórgiu mannu de sa camba, a sa parte de ananti, tra s'ossu de sa còscia e sa cannedha de sa camba, in su tretu de sa néscia; in su bestimentu, su tretu a paris a benugos a sa parte de ananti Sinònimos e contràrios benucru, denucru, fenucru 1, ghinúciu Frases su cani fiat feriu asuba de is genugus ◊ fiat a genugus freaus, sempri inginugada in perda de frúmini ◊ portat su bistiri curtzu apenas asuta de is genugus ◊ non podiu camminai de su dolori a is genugus!◊ ci fiant arrutus ingenungaus pistendi is genungus 2. portat is pantalonis cun calincunu tzàpulu in genugus Sambenados e Provèrbios smb: Genugu Terminologia iscientìfica crn Ètimu ltn. genuc(u)lum Tradutziones Frantzesu genou Ingresu knee Ispagnolu rodilla Italianu ginòcchio Tedescu Knie.