Legenda Incurtzaduras | Legenda Sìmbulos

aelógu , nf: ailogu, elogu, vailogu Definitzione maladia chi lassat sa pedhe a magas, a fossighedhos, candho est sanada Sinònimos e contràrios arzolu, buata, pigoni, pigota Terminologia iscientìfica mld Ètimu grc. eulogía Tradutziones Frantzesu variole Ingresu smallpox Ispagnolu viruela Italianu vaiòlo Tedescu Pocken.

bullàncara , nf Definitzione su fossighedhu in sa carre chi lassat su pigoni Ètimu srd. Tradutziones Frantzesu marque de la variole Ingresu pock Ispagnolu picadura de viruela Italianu búttero Tedescu Pockennarbe.

ebrighína , nf Definitzione genia de maladia de is brebès Terminologia iscientìfica mld. Ètimu srd. Tradutziones Frantzesu varioloïde Ingresu sheep-pox Ispagnolu viruela de ovejas Italianu vaiolòide Tedescu Schafpocken.

irgàbbu , nm: isgabbu Definitzione genia de marchighedhu, fossitedhu, chi si faet a is bardúfolas cun calecuna punta; genia de fossitedhu chi in sa pedhe abbarrat de sa fruschedha de sa pigota, marcu, singiale de unu male, de dannu Sinònimos e contràrios iscabbu / ciarolu, cocone 1, fítulu, majodha, pizolu 1 / cdh. smarroculata 3. oje est morta Zigliana: cantu ne dat irgabbu!… Tradutziones Frantzesu cicatrice de pustule de la variole Ingresu variolous pustule scar Ispagnolu picadura de viruela Italianu cicatrice da pùstola vaiolósa Tedescu Pockenausschlag.

pigòne, pigòni , nm Definitzione duas genias de maladia apicigosa: una chi faet sa pedhe a marcos (pabedhas niedhas), a fossighedhos, comente sanant is fruschedhas; s'àtera pigat prus che àteru a is piciochedhos e faet a essiduras orrúbias (pabedhas burdas) de cara a totu sa carena e a callentura; in cobertantza dhu narant po cosa o persona ifadosa, piciochedhu malu, botosu Sinònimos e contràrios arzolu, buata, pigota / ociada, rosa 1, rusete / ifadu, nischitzu, pibinca / bagiariotu, mauchedhu, serpellucu Frases a sa becesa su pigoni!…◊ seu morendi de pigoni ◊ ancu dh'abbruset su pigone! 3. is pigonis no depint assuconai is mannalissas passendu! Terminologia iscientìfica mld Tradutziones Frantzesu variole, roséole Ingresu black smallpox, german measles Ispagnolu viruela negra, roséola Italianu vaiòlo néro, rosolìa Tedescu Pocken, Röteln.

pigòta , nf: pigote Definitzione maladia chi faet sa pedhe a marcos (pabedha niedha, fruschedhas), a fossighedhos comente sanant is essiduras (ma fintzes su marcu etotu chi abbarrat in sa pedhe); su vacinu po no pigare sa maladia Sinònimos e contràrios aelogu, buata, fermizolu, mummurzolu, pigoni Maneras de nàrrere csn: p. burda = fermizolu burdu, maladia apitzigadita chi faghet a essiduras a bobbollonchedhas; a sa becesa sa pigota = fàghere una cosa – che a su fatzinu a betzu – candho no est prus tempus, candho no serbit prus (nadu prus che àteru de unu cumportamentu) Terminologia iscientìfica mld Ètimu ctl. Tradutziones Frantzesu variole Ingresu smallpox Ispagnolu viruela Italianu vaiòlo Tedescu Pocken.

«« Torra a chircare