Ditzionàriu in línia
de sa limba e de sa cultura sarda

pimpinièra , nf Definitzione barbatella, argiola de barbatellas, terra semenada a bisura de argiola po fàere prantones de itesisiat po prantamentu; fintzes padente de opinos Ètimu srd. Tradutziones Frantzesu pépinière Ingresu nursery Ispagnolu vivero Italianu vivàio Tedescu Fischteich, Baumschule.

pipinièra , nf Definitzione argioledha o tretu de terra chi si sèmenat po fàere sa prantàgia po erbas o birdura de ortu, po matighedhas de prantare, ma nau mescamente in cobertantza po logu o cosa ue dhue creschet cosa o abbitúdine mala / pònnere o prantare cosa a pipiniera = a filera, a tuedha, a cracu Sinònimos e contràrios argioledha, atuedha 2. sa musa issoro est… pipiniera ue b'incontras totu su chi cheres! ◊ in Silanos sos poetas pisedhos bi fint naschendhe a pipiniera Ètimu srd. Tradutziones Frantzesu pépinière Ingresu breeding ground Ispagnolu vivero Italianu vivàio Tedescu Baumschule.

pischèra , nf Definitzione logu a oru a mare, istagnu chi tenet essia a mare, ue si contivígiat sa pisca, fatu a manera de fàere intrare (e crèschere) su pische de su mare e piscare méngius, cun prus seguresa e lúcuru / conchedh'e p. = genia de lissa pitica, de calecunu prammu de longària Sinònimos e contràrios annessarzu, messalzu Frases no isco si de pische in mare e in pischera si ndhe at a piscae Terminologia iscientìfica pscd Ètimu spn. pesquera Tradutziones Frantzesu vivier Ingresu fish-pond Ispagnolu vivero de peces Italianu peschièra Tedescu Fischteich.