Ditzionàriu in línia
de sa limba e de sa cultura sarda

alminzòne , nm: amingione, amingioni, aminzone, ammingione, arminzone Definitzione erba de conillus, genia de erba (una calidade de latuca areste), bona a papare, unu pagu marigosa po su latighedhu chi bogat ue si segat Sinònimos e contràrios acamingioni, ardubinzone, carraminzone, incamingioni, latosa 1, limpora, simingioni 1 Terminologia iscientìfica rbz, Sonchus arvensis, S. oleraceus, S. tenerrimus Ètimu srd. Tradutziones Frantzesu laiteron Ingresu milk thistle Ispagnolu cerraja Italianu allattalèpre, cicérbita Tedescu Gänsedistel.

ardubinzòne , nm: ardulinzone, bardumingione Definitzione baldu bunzone, minzone o bardu pinzone, e fintzas bardu anzoninu, genia de erba (est una làtia areste), bona a papare, unu pagu marigosa po su latighedhu chi bogat ue si segat Sinònimos e contràrios acamingioni, alminzone, latosa 1, limpora, pinzone, simingioni 1 / cdh. alduminzoni, aldumirizoni, ttrs. carduminzoni Terminologia iscientìfica rbz, Sonchus oleraceus Ètimu srd. Tradutziones Frantzesu lait de lièvre, salade aux lièvres, laitue de lièvre Ingresu hare's colewort Ispagnolu cerraja Italianu allattalèpre Tedescu Kohl-Gänsedistel, Gemüse-Gänsedistel.