Ditzionàriu in línia
de sa limba e de sa cultura sarda

biadèsa , nf Definitzione su èssere biaos, su àere sa méngius cuntentesa, su istare bene meda Sinònimos e contràrios ajubore, biadia, cuntentesa, dícia, gosa, prégiu / cdh. biatesa Frases sa biadesa de s'ómini in cumpangia Ètimu srd. Tradutziones Frantzesu béatitude, félicité Ingresu beatitude Ispagnolu beatitud Italianu beatitùdine Tedescu Seligkeit.

isòra , nf, nm: isóriu Definitzione cuntentesa manna, ma fintzes tempus chi si passat po istentu, chentza fàere nudha, tanti po passare ora Sinònimos e contràrios contentu, gosa / istentu Frases grígliant in giru músicas e rimas in su santu trabàgliu e in s'isóriu, in dultze olvidu de tristas lagrimas (P.Casu)◊ in chelu bi sunt sos chi ant eternu isóriu ◊ maju, totu un'isóriu de nidos, bestit de risu campos e alturas Ètimu srd. Tradutziones Frantzesu béatitude Ingresu beatitude Ispagnolu beatitud Italianu beatitúdine Tedescu Glückseligkeit.