Ditzionàriu in línia
de sa limba e de sa cultura sarda

ischirtzarólu , nm, nf: ischitzalora, ischitzaloru, ischitzarola, ischitzarolu Definitzione giogu chi si faet cun d-unu cannedhu de samucu imboidau (inter duos nodos), ue si ponet duas ballas de ortigu, una in s’istampu a una parte e una a s'àtera, intradas a fortza po tupare bene: tandho si faet intrare una crae de linna (ispintore o fritighissa) chi ispinghet una balla chi po sa pressione de s’ària che faet essire s'àtera a cropu, che dh’isparat Sinònimos e contràrios acrabbussu, isciapete, istichinajolu, sparadori, stuponi, tzicaloru, tzocadore Frases zoghendhe faghiaimus su carritu, s'ischitzarolu, sa morócula, su seganughe, su tirolàsticu Terminologia iscientìfica ggs Ètimu srd. Tradutziones Frantzesu sarbacane Ingresu blowgun Ispagnolu cerbatana, taco Italianu cerbottana Tedescu Blasrohr.

zirànte , nm Definitzione genia de fosiledhu fatu de samucu, a isparare ballas de ortigu Sinònimos e contràrios ischirtzarolu, tirante Frases in manu zuchiat una bollonca chi si at fatu fachendhe unu zirante ◊ zuchet cambas de tiralàsticu, unu zirante de sabucu, sa bardófula Terminologia iscientìfica ggs Ètimu srd. Tradutziones Frantzesu sarbacane Ingresu blowgun Ispagnolu cerbatana, taco Italianu cerbottana Tedescu Blasrohr.