Legenda Incurtzaduras | Legenda Sìmbulos

chelfíja , nf: chelvígia, chelvija, chervica, chervicra, chervija, chevija, chirvígia Definitzione sa parte de asegus de sa conca, tra su tzugu e su cúcuru Sinònimos e contràrios batile, chérbica, pistidhu, tidíngia Frases sa chelvija de su re de Piemonte po paritzu at rasigadu ◊ si no rues, nessi umbruncas e si sa chelfija truncas t'istas pro sempre iscollada ◊ at postu sa chevija in terra, candho est rutu ◊ ti truncas sa chirvígia! Terminologia iscientìfica crn Ètimu ltn. cervic(u)la Tradutziones Frantzesu nuque Ingresu nape Ispagnolu nuca, cogote (m) Italianu nuca, collòttola Tedescu Genick.

gassíle 1 , nm: catzile, gatile, gatzile, gatzili, gatzilis Definitzione su tretu de sa conca tra sa mola de su tzugu e su cúcuru, a parte de apalas Sinònimos e contràrios assili, chelfija, pistidhu, tidíngia, tubitzu Frases mi fia ammentendhe de su corpu chi aia leadu a su gatile candho so ruta ◊ mi nche aiant iscartafogliatu dae sas brancas suas chin su gatile e sa gula a isungratas ◊ su pride si at postu s’istola in suta de su gatile e cumintzat sas precadorias Terminologia iscientìfica crn Tradutziones Frantzesu nuque Ingresu nape Ispagnolu nuca (f), cogote Italianu nuca, collòttola Tedescu Nacken, Genick.

ischerbicàre , vrb: ischerbigare, ischervicare, ischervigare, ischervixare, iscrebigare 1 Definitzione segare sa mola de su tzugu, iscúdere su pistidhu a terra; andhare peri su logu (nau cun tzacu), andhare male, currendho de pòdere orrúere, bagamundhare de unu logu a s'àteru / logu ue si b'ischérvigat sa craba = malu, trotu meda chi no fait a dhui passai Sinònimos e contràrios igerbedhare, isperrumare, ispistidhare, issuludrare, scerbedhai, scerbigai Frases l'aiant agatadu ischervijadu ca su cadhu l'aiat isbatuladu a terra ◊ chene nos ischervicare, nche colaimus in mesu de gurutinos e astrintòglios 2. no bi at bisonzu chi l'ingote, sa mente mia, pro ischervigare (G.Ruju)◊ cussa boza tenza de m'ischervigare, cantu tenzo boza de cussa cosa! ◊ e a ue si ch'est ischerbigadu, cust'àinu, chi no lu poto agatare?! ◊ chi si esseret ischerbicau isse, a chircare! ◊ su tazu si ch'est ischerbicau dae su trèmene a s'abba ◊ cussos bolliant giuntos apare a giuale de figu e iscrebigados, gente deasi!… Ètimu ltn. *excervicare Tradutziones Frantzesu se casser le cou Ingresu to run helter-skelter, to break one's scruff Ispagnolu romper el pescuezo, abalanzarse Italianu fratturarsi la collòttola, scapicollarsi Tedescu sich den Nacken brechen, Hals über Kopf hinunterstürzen.

pistídhu , nm Definitzione sa parte de apalas de sa conca, tra su tzugu e su cúcuru / su fossu de su p. = genia de fossighedhu chi si paret, in gatzile, mescamente segundhu comente si portat posta sa conca Sinònimos e contràrios assili, chelfija, gassile 1, tidíngia, tubitzu Frases e unu cropu de mallu a su pistidhu! Sambenados e Provèrbios smb: Pistiddu Terminologia iscientìfica crn Ètimu srd. Tradutziones Frantzesu nuque Ingresu nape Ispagnolu nuca, cogote Italianu nuca, collòttola Tedescu Genick.

«« Torra a chircare