Ditzionàriu in línia
de sa limba e de sa cultura sarda

arrannósigu , nm Definitzione su arrannosigai Sinònimos e contràrios arrannosigamentu, cossumidura, finigoni, ispitinzu Tradutziones Frantzesu consomption Ingresu consumption Ispagnolu consunción Italianu consunzióne Tedescu Abnutzung.

cossumidúra , nf: cussumidura Definitzione su si che consumare, andhare a su fini fini / mòrrere a c. = a pagu a pagu po maladia longa, becesa Sinònimos e contràrios arrannosigamentu, finidura 1, finigoni, ispitinzu Frases cussu muntone de fenu, si li pones terra subra, mancari li lompat fogu si che tenet a cossumidura ma no pesat frama arta Ètimu srd. Tradutziones Frantzesu consomption Ingresu consumption Ispagnolu consunción Italianu consunzióne Tedescu Abnutzung, Konsumtion.

finigòni , nm: finioni Definitzione coment'e afinamentu, debbilesa, mancamentu de fortza po farta de alimentu / fàmini a finigonis = fàmine a mòrrere; arrallai finionis = nàrriri isciolórius Sinònimos e contràrios arrannosigamentu, cossumidura, ispitinzu Frases a ita giuat chi s'ómini apetighit sa Luna si no assuermat su prantu de chini morrit a finigonis? ◊ est a mesu brenti morrendu a finigonis po su fàmini ◊ po lassai morri su burricu a finigonis mellus dhu bendeus! 2. ndi biesta de fàmini a finigonis, abetendi is assegnus!… Tradutziones Frantzesu consomption Ingresu consumption Ispagnolu consunción Italianu consunzióne Tedescu Auszehrung.