Ditzionàriu in línia
de sa limba e de sa cultura sarda

corràga , nf: corranca, corrancra Definitzione corroga braxa, genia de pigione mannu, de petza metzana: assimbígiat a unu crobu, ma est prus pitica, in colore de chinisu e solu in parte de is alas est niedha Sinònimos e contràrios carroga*, corbanca Frases Noè aiat imbiadu innantis una corranca e apustis una columba ◊ comente faent custas corragas a mi connòschere? Terminologia iscientìfica pzn, corvus corone sardonius Tradutziones Frantzesu corneille Ingresu carrion-crow Ispagnolu corneja Italianu cornàcchia Tedescu Krähe.

corriònca , nf: corronca, corròncia, currionca Definitzione corroga braxa, genia de pigione mannu, de petza metzana: assimbígiat a unu crobu, ma est prus piticu, in colore de chinisu e solu parte de is alas portat niedha; nau a disprétziu o in cobertantza, fémina lègia o chi unu no podet bíere; àtera genia de pigione Sinònimos e contràrios carroga, corbanca, corraga*, corrodha Frases una corròncia famida chilcat it'e mandhigare: no at fortza a ndhe chircare ca est débbile, istasida 2. gighet su tuju biaitu che peta de corrionca Sambenados e Provèrbios smb: Corronca Terminologia iscientìfica pzn, corvus corone sardonius Tradutziones Frantzesu corneille Ingresu carrion-crow Ispagnolu corneja Italianu cornàcchia Tedescu Krähe.