basoludúndhu , nm Definitzione
basolu tundhu: genia de laore e su granu chi faet, bonu po papare, coment'e unu pisu tundhu ma cun su pitzu inue bogat sa tzeurra: faet una tega crutzitedha e no portat prus de duos granos
Sinònimos e contràrios
basolubitzudu,
chíghere,
cígiri
Frases
su basoludundhu est bonu fatu a minestrone, o a piscadura cun erbuzu ◊ su basoludundhu faghet unu o duos ranos ◊ sighia a drommire sonniendhe coinzolos de ischefa e muntonedhos de basolu tundhu
Terminologia iscientìfica
lrs, Cicer arietinum
Ètimu
srd.
Tradutziones
Frantzesu
pois chiche
Ingresu
chickpea
Ispagnolu
garbanzo
Italianu
céce
Tedescu
Kichererbse,
Kicherling.
chíghere , nm Definitzione
basolu becudu, fasolu cíxiri, genia de laore a tiradura e su granu chi faet, bonu po papare, coment'e unu pisu ma tundhu e cun su bicu ue bogat sa tzeurra: faet sa tega curtza curtza cun d-unu o duos granos)
Sinònimos e contràrios
basolubitzudu,
basoludundhu,
cígiri
Frases
fut su chíghere orrostiu su prus pastu preferiu po dhos fàere bufare! ◊ in iscola poniant is piciochedhos addoraos a benugos nuos in terra, a bortas cun chíghere asuta
Terminologia iscientìfica
lrs, Cicer arietinum
Ètimu
ltn.
cicer.
Tradutziones
Frantzesu
pois chiche
Ingresu
chickpea
Ispagnolu
garbanzo
Italianu
céce
Tedescu
Kichererbse,
Kicherling.
cígiri , nm: cixi,
cíxiri,
gígiri Definitzione
basolu becudu, genia de laore a tiradura e su granu chi faet, bonu po papare, a bisura de unu pisu ma tundhu e sèmpere de colore craru e parívile, cun d-unu bichighedhu inue bogat sa tzeurra: su fundhu faet su frorighedhu biancu e una teghighedha curtza cun d-unu o duos granos / cíxiri barracocu = calidade a ranu maduru; c. galiatzu = cotu, arrustidu in sa rena; nara cíxiri!: peràula chi sa zente in Castedhu faghiat nàrrere pro iscobèrrere a chie no fit sardu, candho che ant catzadu sos Piemontesos su 1794 (sa /c/ in mesu de duas vocales, comente resurtat in nara cíxiri, mudat a un'àteru sonu, a /x/, ma mai nendhe sa peràula a sola)
Sinònimos e contràrios
basolubitzudu,
basoludundhu,
chíghere*
Frases
su cixi est bellu fintzas a minestroni ◊ su cíxiri sardu rendit meda de prus de su barracocu ◊ mellus sa brenti tzacada chi no su cíxiri pérdiu!
2.
su prexu de cussa piciochedha? no dhi capit unu cíxiri!
Sambenados e Provèrbios
smb:
Cixi, Cixiri, Cisci
Terminologia iscientìfica
lrs, Cicer arietinum
Tradutziones
Frantzesu
pois chiche
Ingresu
chickpea
Ispagnolu
garbanzo
Italianu
céce
Tedescu
Kichererbse.