Ditzionàriu in línia
de sa limba e de sa cultura sarda

annaemèle , nf: annamele Definitzione genia de animale areste, in colore de castàngia, dannàrgiu, e si timet ca intrat a is domos (e po cussu si dha faent a comare…): ma prus che àteru si papat is sórighes e a cantu paret antigamente si teniat in is domos coment'e como is gatos Sinònimos e contràrios bucameli, dannaemuru, nonnamele, zanaemuru / cdh. bédhula Frases s'intendhiat su cantizare de s'annaemele e de sas istrias Terminologia iscientìfica anar, mustela nivalis boccamela Ètimu srd. Tradutziones Frantzesu belette d'Europe Ingresu weasel Ispagnolu comadreja Italianu dònnola Tedescu Mauswiesel.

bucamèli , nf, nm: buchemele, buchemeli, buchimeli Definitzione genia de animale areste, in colore de castàngia, dannàrgiu si intrat a is domos Sinònimos e contràrios annaemele, dannaemuru, nonnamele, zanaemuru / cdh. bédhula Terminologia iscientìfica anar, mustela nivalis boccamela Ètimu srd. Tradutziones Frantzesu belette Ingresu weasel Ispagnolu comadreja Italianu dònnola Tedescu Mauswiesel, Wiesel.