Ditzionàriu in línia
de sa limba e de sa cultura sarda

latóricu, latórigu , nm: latúriche, latúricu, latúrighe, latúrigu, latúriu Definitzione tenent custu númene calidades diferentes de una tupighedha linnosa chi bogat unu latighedhu toscosu e faet a iscrafíngiu e a ufradura solu po dhu tocare Sinònimos e contràrios laturigheda, lua, runtza, sculacaca, titímbalu, tzugnedhu Frases paret chi apat sutzadu solu sutzos de latóricu e de reti dae pisturras de súrbile! Terminologia iscientìfica rbl, Euphorbia characias, E. helioscopia, E. pithyusa Tradutziones Frantzesu euphorbe Ingresu euphorbia Ispagnolu tartago mayor, lechetrezna macho, lecheriega Italianu eufòrbia Tedescu Wolfsmilch.

lúa , nf: luba, luva Definitzione tenent custu númene calidades diferentes de una tupighedha linnosa chi bogat unu latighedhu toscosu (late catúligu) inue si segat; itesisiat chi nogat a gente e cosa, siat in sensu materiale o morale Sinònimos e contràrios latóricu, tzugnedhu / belenu Maneras de nàrrere csn: agru che lua = agru meda; macu che lua = macu ’eretu; fertu a lua = alluau Frases bella arroranti sa lua! ◊ ses che unu pische fertu a lua, arrimbambidu de s'illusione! 2. ant a piòere lua intas sas nues 3. lua mortale li est currendhe intro sa vena, bochèndheli a pascionu sa carena (A.Porcheddu)◊ onniunu in domo sua istet in límites giustos pro tzessare sos disgustos e de sas limbas sa lua! Terminologia iscientìfica rbl, Euphorbia amygdaloides var. semiperfoliata, E. characias, E. lathyris, E. paralias, E. pithyusa, E. segetalis Ètimu ltn. lues Tradutziones Frantzesu euphorbe Ingresu euphorbia Ispagnolu tartago mayor, lechetrezna Italianu eufòrbia Tedescu Wolfsmilch.