Ditzionàriu in línia
de sa limba e de sa cultura sarda

culilúche, culilúghe, culilúxi , nm, nf: cululugi, cululúgiu, cululuxi Definitzione genia de bobboi pitichedhu chi paret una lughighedha, a denote, in terra; fintzes ischintídhia de ferru abbrigau chi ch’essit comente su maistu dhu pistat a martedhu / min. culilugaredhu; ocros de culiluche = minudedhos Sinònimos e contràrios cululúcidu, lucheluche, ogulúcidu Frases sunt culilughes e los at crétidos làmpanas! ◊ culilughe, in custu sero de istiu ti bido bolendhe ◊ sas culiluches dúrriant a mizas, si àmpulant, si abbassant, surcandhe s'aera assiant, s'irderghent, giocandhe inchietas 2. su ferreri mazanne su ferru in s'incódine ispraghet culilughes a dónnia parte Terminologia iscientìfica crp, lampyris noctiluca, cantharis fusca, malachius aeneus, rhagonicha fulva Ètimu srd. Tradutziones Frantzesu luciole Ingresu firefly Ispagnolu luciérnaga Italianu lùcciola Tedescu Leuchtkäfer.

ervalútza , nf Definitzione genia de erba chi faet unu frorighedhu bonu a papare Frases Gavinu de s'amigu ndh'est garante: totu lu chircant chei s'ervalutza Terminologia iscientìfica rba, Luzula forsteri Ètimu itl. Tradutziones Frantzesu herbe lucinote Ingresu adder's tongue Ispagnolu lúzula Italianu èrba lùcciola Tedescu Hasenbrot.

ogulúcidu, ogulúxidu , nm Definitzione genia de bobboi pitichedhedhu chi paret una lughighedha, a denote Sinònimos e contràrios culiluche Frases is ogulúxidus s'intragnant, assupaus, apalas de s'iscuriu Terminologia iscientìfica crp, lampyris noctiluca, l. fusca, malachius aeneus, rhagonycha fulva Ètimu srd. Tradutziones Frantzesu luciole Ingresu firefly Ispagnolu luciérnaga Italianu lùcciola Tedescu Leuchtkäfer.