Legenda Incurtzaduras | Legenda Sìmbulos

arrellógiu, arrellórgiu , nm: arrelloxu, arrelógiu, arrelórgiu, arrológiu, errelógiu, lellozu, orellozu, rellozu* Definitzione imbentu fatu po marcare su tempus ispartziu in oras, minutos e segundhos Frases fiat artziando a su bighinau de susu candho s'arrelórgiu fiat sonandho is úndhighi Terminologia iscientìfica ans Tradutziones Frantzesu montre Ingresu watch, clock Ispagnolu reloj Italianu orològio Tedescu Uhr.

péndhula , nf: péndula, péndura Definitzione arrellórgiu chi si apicat a su muru cun su pesu pendhebendhe chi si movet sèmpere a su matessi passu de una bandha a s'àtera faendho unu movimentu a pendhuliu parívile de longària e tempus (movimentu periódicu)/ p. a scaparatu = péndhula chi si ponet subra de unu móbbile Frases sa péndhula at sonadu mesanote ◊ su coru dhi faiat tic tac, coment'e una péndula candu currit sentz'e contu ◊ su bentu iscianchitat un'ocalitu coment'e una péndula Ètimu itl. pendola Tradutziones Frantzesu pendule Ingresu pendulum-clock Ispagnolu péndulo Italianu orològio a pèndolo Tedescu Pendeluhr.

rellózu, relógiu, relózu , nm: arrellógiu, errelógiu, lellozu, orellozu, rológiu, rolozu Definitzione genia de aparíciu chi marcat su tempus ispartziu in oras, minutos primos e minutos segundhos / genias de arrellórgiu: de brúciu, de apicare (sa péndhula), de busaca, de campanile, a corda, a bateria, a lughe, analógicu, digitale; relógiu de soli = itl. meridiana; partes de s'arrellórgiu: sa càscia, su cuadranti, su ponti, is turnus, is àscias, su fusu, su tamburru, su barriletu de sa molla maista, sa molla, sa corda, sa flècia o ispigoni, su balantzinu, is rodas, sa crai Sinònimos e contràrios cdh. irrilóciu, rilóciu Maneras de nàrrere csn: su r. est andhendhe, est frimmu, li cheret dadu corda; andhare che r. = èssere pretzisos, fàghere sas cosas bene a puntinu; a punta de rellozu = pertzisu Frases che unu rológiu bene carrigadu tue fist in continu movimentu 2. tzucaiat e ghiraiat in ora e mesa a punta de rellozu Terminologia iscientìfica ans Ètimu ctl., spn. rellotge Tradutziones Frantzesu montre Ingresu watch, clock Ispagnolu reloj Italianu orològio Tedescu Uhr.

«« Torra a chircare