Ditzionàriu in línia
de sa limba e de sa cultura sarda

antibétus , nm Definitzione muru, barandíglia o àteru ue faet a s'incarare chentza che orrúere, chi badrat su petus in su sensu chi faet a si acostire chentz'arriscu Sinònimos e contràrios balaustrera Tradutziones Frantzesu garde-fou Ingresu parapet Ispagnolu parapeto, baranda Italianu parapètto Tedescu Geländer.

parapétu, parapétus , nm Definitzione css. cosa, ma mescamente muru, barandíglia o àteru deasi, fata a s'artària de su petus in logu artu o de perígulu a manera de no che orrúere gente, de si pòdere imbarare chentza che orrúere; genia de pinzos de fémina po poderare is titas Sinònimos e contràrios balaustrera, petíglia Frases est imbranconadu in su parapetus de su ponte Tradutziones Frantzesu garde-fou, allège Ingresu parapet Ispagnolu parapeto, sujetador, sostén Italianu parapètto, reggiséno Tedescu Brüstung, Büstenhalter.