Legenda Incurtzaduras | Legenda Sìmbulos

apróbu , avb: aprou Definitzione bene meda, de aguantare una prova Sinònimos e contràrios benene Frases custos oos sunt cotos aprou ◊ no naro, no, chi sas musas basadu mi ant aprou (A.Paba)◊ in su cuntrestu totus andhant aprou, ma chi essant chepare nono! ◊ sos altares sunt mudados aprou pro sa glória de sos santos ◊ custa càscia est tribagliada aprou in dogni parte ◊ candho sos puzonedhos naschiant lis batiazis aprou muschitos e leporedhos ◊ mujesit s'arcu aprobu Ètimu srd. Tradutziones Frantzesu parfaitement Ingresu perfectly Ispagnolu perfectamente Italianu perfettaménte Tedescu perfekt.

apuntínu , avb Definitzione bene, cun precisione manna Sinònimos e contràrios aprobu, benene Maneras de nàrrere csn: fàghere sas cosas a. = bene cun bene, bene meda, totu e cun pretzisione manna; andhare a. (nadu de una cosa) = istare o rúere bene meda a ccn., èssere própiu addata Frases su chi ses nendhe est giustu: arrejonas totugantu apuntinu ◊ tue leghes sos versos apuntinu ◊ totu si averesit apuntinu cantu narzesit su mastru ◊ cheret ammanitzare cosas meda e totu apuntinu Ètimu itl. appuntino Tradutziones Frantzesu parfaitement, minutieusement Ingresu perfectly, in minute detail Ispagnolu perfectamente, minuciosamente Italianu perfettaménte, minuziosaménte Tedescu perfekt, peinlich genau.

benène , avb: benevene Definitzione bene meda, de una manera chi andhat bene ebbia, (fàere) cun incuru mannu Sinònimos e contràrios aprobu Frases vàdiat bene vene, si pómpiat su tziu, torrat a badiare, poi si àrtziat sos ocialedhos e li nat: Ma tue mi risurtas mortu! Tradutziones Frantzesu parfaitement Ingresu perfectly Ispagnolu perfectamente Italianu perfettaménte Tedescu perfekt.

lindepíntu , agt: lintepintu Definitzione lintu e pintu: chi est precisu precisu che un'àteru, chi si assimbígiat meda meda Sinònimos e contràrios pentifilau, pintellintu, provincu Frases custu pisedhu est lintepintu su babbu ◊ filla mia est linta e pinta dèu candu fiu picioca Ètimu srd. Tradutziones Frantzesu parfaitement pareil, identique Ingresu perfectly similar Ispagnolu idéntico, muy parecido Italianu perfettaménte sìmile Tedescu völlig gleich, identisch.

pentifilàu , agt: pintefilau Definitzione chi est precisu precisu che un'àteru Sinònimos e contràrios lindepintu, pintellintu, spinditu, ténticu Tradutziones Frantzesu identique Ingresu exactly alike Ispagnolu idéntico Italianu perfettaménte idèntico Tedescu völlig gleich, identisch.

«« Torra a chircare