mindía , nf: mundhia,
mundia,
munnia Definitzione
àliga, cosa de mundhare; léndhine, is oos de su preugu, su preugu etotu / fàghere su logu a netu e a mundhia = pinnicai totu, leàrendhe totugantu chentza bi lassare nudha, furendhe o lendhe… a furadura
Sinònimos e contràrios
léndhine,
mandioledha,
mundhítzia,
mundhulia,
peogu,
pidúciu
/
brutore,
mughedhu 1
Frases
sa domo sua est prena de mundhia: si b'intrades bos leat s'alenu
2.
mundhia pro mundhia menzus mi boco sa mia!◊ po santa Luxia passus de mundia, po nadali passus de orgiali, po santu Sabbustianu passus de bòi domau
Sambenados e Provèrbios
prb:
zente bia faghet mundhia
Terminologia iscientìfica
crp, pediculus humanus capitis, p. h. vestimentorum, phtirius pubis
Ètimu
srd.
Tradutziones
Frantzesu
pou
Ingresu
louse
Ispagnolu
piojo
Italianu
pidòcchio
Tedescu
Kopflaus,
Laus.
peógu , nm: peuju,
piogu,
piugu,
pleugu,
pregu,
préigu,
preogu,
preucu,
preugu,
préugu,
prigu,
priogu,
priucu,
priugu,
pruigu Definitzione
preugu canu, genia de bobboi pitichedhu chi si atacat a sa carena (de animales e de gente), mescamente ue dhue at pilu, e suspit su sàmbene: est símbulu de poberesa e si narat in parte de poberesa etotu, de cosa a míndhigu; bobboitedhu de mare chi dhi assimbígiat, fintzes una genia de bobboitedhu chi ponet a is puntas modhes de is matas (piogu birde)/ priogu de porcu = genia de erba chi faet in is laores (Krubera peregrinum)
Sinònimos e contràrios
mandioledha,
mindia,
mundhítzia,
pidúciu
/
tíngiu
Maneras de nàrrere
csn:
sa cria de su préigu = líndiri; préigu pudhinu = su chi ponit a is pudhas; iscroxai su priogu po sa pedhi = èssere limidos a s'úrtimu etzessu, asuriosos a meda; èssiri che priogu in bussa de seda = crèresi tropu, pàrreresi prus de su chi unu est, fàghere su tostu, s'intreu; priogu a pedhi = meda
Frases
in cussa domu dhoi fut su priogu a pedhi! ◊ inue fato istare unu peogu bi ndhe colloco chentu che a tie! ◊ totu prozetos mannos fora 'e logu, che isparare a balla a su piogu! (L.Ilieschi)◊ su sàmbene che fit suzonau de su priucu ◊ sa carrotza fiat prena de pínnighe e de pregu ◊ su maistu abbaidàt dónnia mengianu is pilos de is piciochedhos po bíere si dhue iat preugu
2.
labai cussu gatu, su priogu in bussa de seda: dhi apu postu pisci e no ndi papat!
3.
cussu dinai no dhu bollu, no tengu abbisóngiu de su priogu cosa tua!
Sambenados e Provèrbios
prb:
alleputziu che priogu in bursa de seda ◊ s'arriu currit a mari, su priogu sempri a is pòbirus
Terminologia iscientìfica
crp, pediculus humanus capitis, p. h. vestimentorum, phtirius pubis
Ètimu
ltn.
peduc(u)lus
Tradutziones
Frantzesu
pou
Ingresu
louse
Ispagnolu
piojo
Italianu
pidòcchio
Tedescu
Kopflaus.
pidúciu, pidúcru , nm: preducu,
pridocu,
priducu Definitzione
preugu canu, genia de bobboi pitichedhu chi si atacat a sa carena (de animales e de gente), mescamente ue dhue at pilu, e suspit su sàmbene: est símbulu de poberesa
Sinònimos e contràrios
ghinitu,
mandioledha,
mindia,
mundhítzia,
peogu*
Frases
s'ómine, si no est istirau a minore, morit che preducu in locu de custura ◊ priducu chin priducu fachent léndhine!
Tradutziones
Frantzesu
pou
Ingresu
louse
Ispagnolu
piojo
Italianu
pidòcchio
Tedescu
Laus.
tíngiu , nm Definitzione
genia de preughedhu chi ponet a is puntas modhes de is matas
Terminologia iscientìfica
crp
Ètimu
srd.
Tradutziones
Frantzesu
pou de San josé
Ingresu
plant louse
Ispagnolu
piojo de las plantas
Italianu
pidòcchio delle piante
Tedescu
Blattlaus.