Ditzionàriu in línia
de sa limba e de sa cultura sarda

péndhula , nf: péndula, péndura Definitzione arrellórgiu chi si apicat a su muru cun su pesu pendhebendhe chi si movet sèmpere a su matessi passu de una bandha a s'àtera faendho unu movimentu a pendhuliu parívile de longària e tempus (movimentu periódicu)/ p. a scaparatu = péndhula chi si ponet subra de unu móbbile Frases sa péndhula at sonadu mesanote ◊ su coru dhi faiat tic tac, coment'e una péndula candu currit sentz'e contu ◊ su bentu iscianchitat un'ocalitu coment'e una péndula Ètimu itl. pendola Tradutziones Frantzesu pendule Ingresu pendulum-clock Ispagnolu péndulo Italianu orològio a pèndolo Tedescu Pendeluhr.

péndhulu , nm Definitzione css. pesu apicau pendhendho de si pòdere mòvere a tzantzigadura, a móvias paríviles, totu cantepare de tempus e longària Ètimu ltn. pendulus Tradutziones Frantzesu pendule Ingresu pendulum Ispagnolu péndulo Italianu pèndolo Tedescu Pendel.