istrallèra , nf, nm: istralleri, strallera 1 Definitzione cosa, fintzes dannu, male, chi si faet a machiore, fintzes bregúngia Sinònimos e contràrios macheine, tontesa Frases si est su chi ispero logu asseliadu, mi cuntento de s'arrumbu, e istralleras no bos fato (G.Marras)◊ amos, retzas e nassas no timedas, truncade totu, faghide istrallera, impedide chi unu pische solu andhet in manu a su pitzigajolu! ◊ malaitu e féminas… bella istrallera, mih: e deo in chirca de mi cojuare! ◊ sos birbantes fint semper in punnas de fàchere gheleas e istralleras a chie pacu los chircabat 2. sos amantes tenias a gala finas chi as balanzadu sa bandhera: como ses de sa bidha s'istrallera chi neune ti tet apretziare ◊ mai símile istrallera fatu mi aias, ebbita: dae dimónios gita pares, brinchendhe lezera! ◊ at tentu una vida piena de istralleris e dispiagheres Ètimu ctl. estrallar Tradutziones Frantzesu extravagance Ingresu strangeness Ispagnolu extravagancia Italianu stranézza, stravaganza Tedescu Sonderbarkeit.

istrolichéntzia , nf: astrolichéntzia Definitzione cosas, maneras o faturas chentza cabu, de pagu contu, pagu sàbias o no tanti giustas Sinònimos e contràrios bigirria, istralóbbiu, istrambecheria, istrollogu Frases fusteti puru, custas istrolichéntzias iat a èssi s'ora de dhas acabbai! ◊ mi parit ca custas funt istrolichéntzias de sa fiudantza! Ètimu srd. Tradutziones Frantzesu étrangeté, bizarrerie Ingresu queerness Ispagnolu extravagancia Italianu stranézza, stramberìa Tedescu Seltsamkeit.

«« Torra a chircare