Ditzionàriu in línia
de sa limba e de sa cultura sarda

pioríssa , nf Definitzione bentu forte chi si movet a molinadura Sinònimos e contràrios bulionada, mobinada, momonissa, mummugione, preidorissa, remolinu, torvellinu, tramúghine, tremuine, trumujone Frases su Tali no s'est biu prus: stau ca ndi dh'at pinnicau sa piorissa! ◊ iscerau, s’est fuiu currendi, mi est partu una piorissa!… Tradutziones Frantzesu trombe Ingresu tornado Ispagnolu remolino Italianu trómba d'ària Tedescu Windhose.

trúmba, trúmbia , nf Definitzione aina de sonare a surbadura: nau de àteru, cosa fata coment'e a tubbu prus largu a unu càbudu (es. t. de giminera, is trumbas de sa madre, is trumbas po artzare sa boghe e dha fàere intèndhere atesu) Frases partint cudhos cun trumbas e trumbitas, s'arte mustrendhe de s'insoro arghentolu ◊ li fachent onore sonandhe sa trúmbia Terminologia iscientìfica sjl Ètimu itl. Tradutziones Frantzesu trompette Ingresu trumpet Ispagnolu trompeta Italianu trómba Tedescu Trompete.