Ditzionàriu in línia
de sa limba e de sa cultura sarda

melingiàna , nf, nm: melinzana, melinzanu, milinzana Definitzione genia de erba de ortu, a fògias mannas, chi faet coment'e unu frutu tundhu o longhitu e grussu, bonu a còere, totu prupa tostighina Sinònimos e contràrios pedringianu / cdh. pirinzana, ttrs. mirinzana Frases in s'imbastu bi collocheit su coinzolu cun pumatas, melinzanas e una màcia manna de piberone Terminologia iscientìfica rbzc, Solanum melongena Ètimu itl. Tradutziones Frantzesu aubergine Ingresu aubergine Ispagnolu berenjena Italianu melanzana Tedescu Eierpflanze, Aubergine.

pedringiànu , nm, nf, agt: peldingianu, perdignanu, perdingiana, perdingianu, perdinzanu, pidringianu, predingianu, predinzanu, predungianu Definitzione genia de erba de ortu, a fògias mannas, chi faet coment'e unu frutu (upm) tundhu o longhitu e grussu, bonu a còere, totu prupa tostighina / figu pedringiana = figu niedha de tríulas madura meda Sinònimos e contràrios melingiana / cdh. pirinzana Frases cussu predungianu lu giuchent a lúmene: cada fita ndhe cenet una safata ◊ in is ortos dhue faet sa tamata, su pisu, sa patata, sa crucuriga, s'aeda, sa latuca, su pedringianu, s'àpiu, sa síndria e su melone Terminologia iscientìfica rbzc, Solanum melongena Ètimu itl. petronciano Tradutziones Frantzesu aubergine Ingresu aubergine Ispagnolu berenjena Italianu melanzana Tedescu Aubergine.