Ditzionàriu in línia
de sa limba e de sa cultura sarda

fúmigu , agt Definitzione iat a bòllere nàrrere de fumu: si narat de una pedra essia de is vulcanos, totu a buidedhos paret ispòngia (perda tosca, pedra peltunta), bona po fàere molas de mòlere, po arrasigare Sinònimos e contràrios piúmile, toscu 1 Frases contzaiat sas pedhes de craba cun su lumenderoca e cun sa pedra fúmiga Ètimu ltn. pumicus Tradutziones Frantzesu ponce Ingresu pumice (stone) Ispagnolu pómez Italianu pómice Tedescu bimssteinartig, Bimsstein.

pedravúmiga , nf Definitzione pedra de mola, tosca o peltunta, o fintzes pedra de isprumma: genia de pedra totu tuvighedhos, buidedhos, totu pertunta, agiummai niedha de colore, adata po dha picare e fàere molas ca abbarrat arrasposa meda, adata po mòlere (e dh'impreant fintzes po limare, arrasigare)/ àrridu che p. = àrridu meda Frases su porcu ulciadu si frigat cun pedravúmiga pro essire biancu Terminologia iscientìfica mnr Ètimu srd. Tradutziones Frantzesu ponce Ingresu pumice (stone) Ispagnolu piedra pómez Italianu pómice Tedescu Bimsstein.