Ditzionàriu in línia
de sa limba e de sa cultura sarda

ingalenàda , nf: inghelenada Definitzione su s'ingalenare; dormidedha de pagu contu Sinònimos e contràrios ghilimada, ingalinzu, mélinu 1, trúturu / ttrs. ingarinada Frases fit cassidu de sonnu: comente si est corcadu petzi at fatu s'ingalenada ◊ za bi apo drommidu, ma gai, apenas un'ingalenada Ètimu srd. Tradutziones Frantzesu petit somme Ingresu nap Ispagnolu siesta Italianu pìsolo, assopiménto Tedescu Schläfchen, Einschläferung.

ingalenadúra , nf Definitzione su s'ingalenare / intrare (in chistionu, faedhare, pro cumbínchere a ccn.) che i. = che a su sonnu, a lenu a lenu chi s'àteru mancu si ndhe abbizat de sa trassa Sinònimos e contràrios ammacúliu Frases l'intreit a lenu che ingalenadura a sos mermos de ómine istracu, e cudhu a buca abberta! Ètimu srd. Tradutziones Frantzesu assoupissement Ingresu drowsiness Ispagnolu adormecimiento Italianu assopiménto Tedescu Einschläferung.