Ditzionàriu in línia
de sa limba e de sa cultura sarda

covardía , nf Definitzione su no àere su coràgiu de fàere calecuna cosa chi si pentzat giusta o necessària Sinònimos e contràrios vilesa | ctr. alidantza, atrevimentu Frases cussos sunt pienos de covardia Tradutziones Frantzesu couardise, fainéantise Ingresu cowardy Ispagnolu cobardía Italianu codardìa, infigardàggine Tedescu Feigkeit, Trägheit.

vilèsa , nf Definitzione atzione mala po mancamentu de coràgiu o de atza de fàere su giustu, su chi andhat bene, ma fintzes própriu po bòllere fàere male mescamente aprofitandho candho s'àteru no si podet abbàlere o difèndhere Sinònimos e contràrios covardia, viledade / bergugna | ctr. balentia Frases in sa vilesa circa de no arrui, no ti abbusis de su trabballu de su pòbiru! ◊ vostè como est in domo nostra e bi restat, ca in s'ànimu nostru no bi at vilesa ◊ no importat chi sies fizu de re, si s'ànimu est martzidu de vilesa! ◊ cantat de sos eroes sas impresas, sa glória e martíriu de sos Santos, de sos metzanos cantat sas vilesas ◊ dinnegare sos males est vilesa Ètimu srd. Tradutziones Frantzesu lâcheté Ingresu cowardice Ispagnolu vileza Italianu viltà, vigliaccherìa Tedescu Feigkeit.