Legenda Incurtzaduras | Legenda Sìmbulos

adenàda , nf: aranada, arenà, arenada, arenara, arrenada Definitzione genia de mata (no tanti manna) e de frutuàriu, po su prus maduru, chi faet in mesu coment'e a silibbas tramesadas cun d-unu pigighedhu de cosa groga crara, totu a granighedhos unu pagu longhitos e cracos de colore orrúbiu cotu o craru: su corgiolu est marigosu che fele e de colore grogo; in calecunu logu dhu narant a una genia de pane, a tzichi, chi faent po is festas / genias de arenada: a pisu modhi, a pisu tostau, arbada, arbau, arga, durci Sinònimos e contràrios aniada, granada, melaeranu, melagranada*, tanada Maneras de nàrrere csn: fai s'àrburi de s'arenada = s'àrbure ritza; fai s'arrisu de s'arenada (arruta a terra e scuartarada)= frastimu, nau cun feli de chini si arrít de calincunu Frases sa mata de s’adenada frorit in bíngia de susu…◊ sa mata de s'arenara bogat froris de seda… mamma est arrennegara ca babbu est béciu mera! 2. su bestiri prus bellu chi teniat furiat cussu de villudu a colori de pisu de arenada 3. - Faimí su santu prexeri de ti sei ingunis, ca fais a arrí sa genti! - S'arrisu de s'arenada fatzant! Terminologia iscientìfica frt, Punica granatum Tradutziones Frantzesu grenadier, grenade Ingresu pomegranate Ispagnolu granado Italianu melograno, melagrana Tedescu Granatapfelbaum, Granatapfel.

melaerànu , nf Definitzione (pl. melasderanu, melaeranos) genia de mata e de frutu (upm), po su prus matucu, chi faet aintru coment'e ispartziu a silibbas tramesadas cun d-unu pigighedhu de cosa groga crara che a su corgiolu etotu, totu a granighedhos unu pagu longhitos e cracos de colore orrúbiu candho est de pòdere papare: su corgiolu est marigosu che fele e de colore grogànciu / m. abberta = cun su croxu tzacau; fàghere su risu de sa melaeranu (nau pro arrennegu)= fai s'arrisu de is angionis de Pasca (s'arenada si tzacat e paret ammostandho is dentes) Sinònimos e contràrios adenada, aniada, melagranada, tanada Frases ndh'amus bodhidu sa melaeranu ◊ a su mortimmorti a su pisedhu li ant dadu duas melasderanu Terminologia iscientìfica frt, Punica granatum Ètimu srd. Tradutziones Frantzesu grenadier, grenade Ingresu pomegranate (tree) Ispagnolu granado, granada Italianu melograno, melagrana Tedescu Granatapfelbaum, Granatapfel.

«« Torra a chircare