Ditzionàriu in línia
de sa limba e de sa cultura sarda

atropegliadòri , agt Definitzione chi faet atropéglius, chi ponet avolotu / a. de leis = chie si las ponet a càtigu, chie las lassat pèrdere e no ndhe faghet contu Sinònimos e contràrios derreri, ifostighineri, insulladori, intzidiante Ètimu srd. Tradutziones Frantzesu provocateur Ingresu provocative Ispagnolu atropellador Italianu provocatóre Tedescu Hetzer.

bolluzadòre , nm Definitzione chie ponet bolluzu, chie faet naschire tréulu, brigas Sinònimos e contràrios imprenidore, insulladori, mintevogu, piliseri, supuzadore, supuzeri, trebuleri Ètimu srd. Tradutziones Frantzesu fauteur de troubles Ingresu instigator Ispagnolu hostigador, instigador Italianu sobillatóre Tedescu Hetzer.

insulladòri , agt, nm: intziliadore, intzuladori, intzulladori Definitzione chi o chie istat ponendho avolotu, faendho naschire brigas e gherras Sinònimos e contràrios atropegliadori, atzitzadori, derreri, intzidiante, intzuleri, intzurtaroi, provocheri, tzuntzulladore / piliseri, supuzadore, supuzeri, trebuleri | ctr. apachiadore Frases de intzuladoris gei no ndi mancat po ponni avolotu! ◊ tui ses faulànciu e intzulladori de su malu fai! Ètimu srd. Tradutziones Frantzesu fomentateur Ingresu fomenter Ispagnolu instigador Italianu fomentatóre Tedescu Hetzer.

intzidiànte , agt Definitzione chi istat atzitzandho, chi andhat a cricare de ofèndhere o fàere arrennegare is àteros cricandho brigas, ponendho s'unu contra a s'àteru Sinònimos e contràrios atropegliadori, atzitzadori, derreri, ifostighineri, inchestadore, insulladori, intzidieri, intzirigadore, mintzidiarzu, provocheri, puntzurradore, tzuntzulladore Ètimu srd. Tradutziones Frantzesu provocateur Ingresu provocative Ispagnolu provocador Italianu provocatóre Tedescu Hetzer.

mintevógu , nm Definitzione chie ponet o bogat fogos, nau in cobertantza in su sensu chi ponet sa gente a brigare, a gherrare, s'unu contr'a s'àteru Sinònimos e contràrios bestivocos, imbrastieri, imprenidore, insulladori, piliseri, supuzadore, supuzeri, trebuleri, triuladore Frases est unu mintevogu de sos mannos, e puru imbrastieri! Ètimu srd. Tradutziones Frantzesu fauteur de troubles Ingresu instigator Ispagnolu instigador Italianu sobillatóre Tedescu Hetzer.

unzadòre , agt, nm Definitzione chi o chie istat atzitzandho (canes o gente) Sinònimos e contràrios atropegliadori, atzitzadori, derreri, insulladori, intzidiante, mintzidiarzu, tzuntzulladore Ètimu srd. Tradutziones Frantzesu instigateur Ingresu inciter Ispagnolu instigador Italianu aizzatóre Tedescu Hetzer.