Ditzionàriu in línia
de sa limba e de sa cultura sarda

nobichèntos , agt, nm: noeghentos, noexentos, noigentus, noighentos, novichentos, noixentus Definitzione chi est unu tanti de noe bortas chentu (in números àrabbos 900, in números romanos CM)/ su Noighentos = is annus de su 1901 a su 2000; coment'e agt. podet cuncordare cun su nm.; n. milla = noighenta miza, noeghenta mila Frases su milli e noighentos trinta duos, set'e santuaine pro memória, letore, pro l'atire a ògios tuos ndh'apo fatu sa trista e breve istória (A.Pinna)◊ dh’iant cungedau in su milli e noixentus coranta cincu ◊ cussu est pastore mannu abberu, tenet noighentas berbeghes Ètimu srd. Tradutziones Frantzesu neuf cents Ingresu ninehundred Ispagnolu novecientos Italianu novecènto Tedescu neunhundert, zwanzigstes Jahrhundert.

séculu , nm Definitzione tempus o durada de chent'annos, tempus longu Frases s'istória de is Sardus cun d-unu trabballu de séculus andat totu a s’arrovésciu de su natzionalismu de s’istadu furisteri (G.Lilliu)◊ s'iscít de séculus chi su sardu est una língua distinta ◊ sos ricos ant mantesu sos míseros in gutiperu che iscravos pro si fravicare su rennu chi depiat durare séculos ◊ sas notes mi pariant séculos, sena resèssere a drommire un'iscuta Terminologia iscientìfica tpc Tradutziones Frantzesu siècle Ingresu century Ispagnolu siglo Italianu sècolo Tedescu Jahrhundert.