Legenda Incurtzaduras | Legenda Sìmbulos

ammortiàre , vrb Definitzione immadoinare, unu pagu coment'e istudare, igragalare, abbrandhare Sinònimos e contràrios ammadainare, ammoltighinare, iltudare Ètimu srd. Tradutziones Frantzesu atténuer, amortir, éteindre Ingresu to estinguish Ispagnolu amortiguar Italianu smorzare, estìnguere Tedescu dämpfen, löschen.

iltudàre , vrb: istudai, istudare, istutare, studai Definitzione fàere mòrrere o bènnere mancu su fogu, una lughe, ccn. cosa alluta (es. s’aràdiu, su motore); iscarragiare ccn. cosa tudada o carragiada Sinònimos e contràrios ammoltighinare, ammortiare, irmòrrere / iscarragiare | ctr. allúere, allumae, atzèndhere / tudai Frases s'istudat che fatija a fogu lenu ◊ soe acurtzu a unu focu chi no poto istutare ◊ no istutazas cussu focu! ◊ su fogu de comare est galu andhandhe, in bonora l'aviant allummau: candho boche pariat istutau fut intro de sos montes brusiandhe! ◊ is disígius antigus fuant fuliaus in terra che alluminus istudaus (B.Lobina)◊ sunt sétzios in sos banghitos acanta de su foghile istudau 2. ndhe at istutau sa braja dae suta de sa chisina pro fàchere su focu Ètimu ltn. *extutare Tradutziones Frantzesu éteindre Ingresu to estinguish, to turn off Ispagnolu apagar Italianu spègnere Tedescu löschen.

irdisíre , vrb Definitzione iscancellare, iscolorire de no si bíere, samunare Frases s'umbra de sa morte che cherzo irdisire innanti chi mi fatat tropu male! ◊ s'abba de su riu aundhadu no mi che l'at a irdisire mai custu pecadu! ◊ s'amore chena taca no che l'irdisit mancu sa morte 2. bi tenia cutzaras e cutzarinos irdisidos (N.Pianu) Tradutziones Frantzesu effacer Ingresu to delete Ispagnolu borrar Italianu cancellare Tedescu löschen.

studài , vrb: iltudare* Definitzione fàere mòrrere o bènnere mancu su fogu, una lughe, ccn. cosa alluta o chi si pentzat coment'e alluta, tenendho, funtzionandho (es. s'aràdio, su motore, àteru) Sinònimos e contràrios ammoltighinare, ammortiare, irmòrrere | ctr. allúere, allumae, atzèndhere Frases studaindi sa luxi! ◊ studa su fogu! Tradutziones Frantzesu éteindre Ingresu to put out Ispagnolu apagar Italianu estìnguere, spègnere Tedescu löschen, ausschalten.

studaméntu , nm Definitzione su studai Sinònimos e contràrios irmorimentu, istudadura | ctr. allughidura Ètimu srd. Tradutziones Frantzesu extinction Ingresu extinguishing Ispagnolu apagamiento Italianu spegniménto Tedescu Löschen.

«« Torra a chircare