Legenda Incurtzaduras | Legenda Sìmbulos

fratamàza , nf Definitzione gente de pagu contu, chi no est de cabbale Sinònimos e contràrios gentaredha, gentixedha, ratatúglia, scrufulia Tradutziones Frantzesu racaille Ingresu scum Ispagnolu populacho Italianu gentàglia Tedescu Gesindel, Pack.

ratatúglia, ratatúlla, ratatúllia , nf: retatúglia Definitzione piciochedhu (nau fintzes po medas) chi giaet ifadu, chi est chentza capia, de pagu contu (e si narat fintzes de cosa); genia de papare fatu cun petza segada a orrughedhos e mescamente de tratalia de pegus piticu (ma, a logos, cassola de birduras); matzàmene de fuliare, de pegus macellau; cosas bècias, cosighedhas de fuliare chi giaent istrobbu, cosas de pagu contu Sinònimos e contràrios farrandulla, fratamaza, istrudhàglia, pisedhina / baldulete, bascaràmene, carramacina Frases no bi as un'istàntzia in culvenu ca cussa ratatúglia ti est ponindhe sa domo a fundhu a susu (A.Dettori)◊ che catzesti a Fulanu pro culpa de cudha ratatúglia ◊ in su comitadu no bi cheret ratatulla: bi at dinaris de manizare e bi cheret contivizu! Tradutziones Frantzesu polisson, marmaille Ingresu bad rascal, rabble Ispagnolu pilluelo Italianu monellàccio, marmàglia Tedescu Spitzbube, Pack.

rundhàglia , nf Definitzione is rundhajolos, gente metzana chi totu su chi faet est a istare in giru Sinònimos e contràrios bagamundalla, bruscualla, cannarolaza, gentaredha, scrufulia Ètimu srd. Tradutziones Frantzesu racaille Ingresu scum Ispagnolu gentuza Italianu gentàglia Tedescu Gesindel, Pack.

scrafuàlla , nf: scrafuialla Definitzione gentighedha de pagu contu e de pagu giudu, fintzes fedighedhu ifadosu o pagu àbbile Sinònimos e contràrios piciocalla, pisedhina, ratatúglia, scrufulia Frases importantziedha de nci ponni totu cussa scrafuialla, po isconciai su logu!…◊ chi iat postu in menti a mimi, de cussa scrafuialla no ndi dhui fiat andada! ◊ ndi fait, custa scrafualla, de istontonu!… Ètimu srd. Tradutziones Frantzesu marmaille Ingresu gang Ispagnolu gentuza Italianu bruzzàglia Tedescu Gesindel, Pack.

scrufulía , nf Definitzione farinos, coígios de cosa de papare; nau mescamente de piciochedhos ifadosos o de pagu giudu, chedha de piciochedhos Sinònimos e contràrios arremusulla, cífrinu, palfaruza, pispisa / cannarolaza, ratatúglia, rundhàglia, scrafualla, strufulia 2. de cussa scrufulia… noi arrialis sa cofa! Tradutziones Frantzesu marmaille Ingresu rabble Ispagnolu muchachería Italianu bruzzàglia, marmàglia Tedescu Gesindel, Pöbel, Pack.

«« Torra a chircare