Ditzionàriu in línia
de sa limba e de sa cultura sarda

padrusímula , nm, nf: pedrusímbulu, pedrusímula, pedrusímulu, petrusímbulu, petrusímula, predusímula, pretusímula Definitzione genia de erba chi si prantat po dh'impreare in coghina a cundhire in is papares: faet unu frore ispratu coment'e a paracu che a su chi faet su fenugu / pretusímula agreste = udhúrigu, Conium maculatum Sinònimos e contràrios pedrusèmene / cdh. petrusímulu, ttrs. predusímuru Frases su predusímula si sèmenat a úrtimos de martu ca durat un'annu chentza si chimire ◊ in su burte de casu bi cheret sa pedrusímula frichinada a minudu ◊ sa die si l’aiat colata abbanne pretusímula e godhinne tamatas Terminologia iscientìfica rbzc, Petroselinum crispum Ètimu ltn. petroselinum + símula Tradutziones Frantzesu persil Ingresu parsley Ispagnolu perejil Italianu prezzémolo Tedescu Petersilie.

pedrusèmene, pedrusèmi, pedrusèmini , nm: peldusèmene, perdusèmine, perdusèmini, predusèmene, petrusèmene Definitzione genia de erba chi si sèmenat po dh'impreare in coghina a cundhire in is papares: in sa chima chi bogat faet unu frore ispratu coment'e a paracu che a su chi faet su fenugu Sinònimos e contràrios padrusímula Frases faent su pudhu prenu de petza mólia, oso, pane tratagasau, azu, perdusèmene, lardu pistau e matzàmene de su pudhu etou Terminologia iscientìfica rbzc, Petroselinum crispum Ètimu ltn., srd. petroselinum + sèmene Tradutziones Frantzesu persil Ingresu parsley Ispagnolu perejil Italianu prezzèmolo Tedescu Petersilie.