Legenda Incurtzaduras | Legenda Sìmbulos

abberguàda , nf: avilguada Definitzione su abberguare, averiguai Sinònimos e contràrios avilguamentu, iscumprou / abbaidada, castiada 2. su peíderu si deit un'avilguada a su catechismu ◊ iscanzeit su balconitu pro dare un'avilguada a sa die Ètimu srd. Tradutziones Frantzesu vérification, contrôle Ingresu verification Ispagnolu averiguación Italianu verìfica, contròllo Tedescu Prüfung.

collàudu , nm Definitzione su provare a bíere o averguare e certificare si un'òpera, una màchina, unu trebballu est fatu o funtzionat a régula Sinònimos e contràrios iscumbata, proa Frases nois aimis fatu unos cantos mezoros in foraldidha e no sunt bénnidos mancu a su collàudu Tradutziones Frantzesu épreuve, réception Ingresu test Ispagnolu prueba Italianu collàudo Tedescu Prüfung.

cumpròa , nf, nm: cumprobu, cumprou Definitzione su chi si faet po bíere o ischire cun precisione si una cosa est própriu de una certa manera, o si unu est naendho o at nau sa beridade Sinònimos e contràrios iscumbata, iscumprou, proadorzu, proadura, provaveru, rinzida Frases de s'operadu ’e sa vida passada no l'inzunzemus mancu po cumprou! ◊ dàendhe a totugantos su cumprou de su chi ses nendhe! Ètimu srd. Tradutziones Frantzesu épreuve, sondage, contre-épreuve Ingresu test, countercheck, survey Ispagnolu prueba, encuesta, contraprueba Italianu pròva, esperiménto, sondàggio, contropròva Tedescu Prüfung, Versuch, Erkundung, Gegenprobe.

esàmene , nm: asàminu, esàmine, esàmini, esàminu, isàminu Definitzione totugantu su chi si osservat de una cosa, de una chistione po ischire it'est, o chi si pregontat a unu po averguare ite istúdiu o capacidade tenet o ite ischit Sinònimos e contràrios esame, perrogu / anàlisi / cdh. esamu Frases Nassiedhu depit andai a giai un'esàminu ◊ su piciochedhu depiat donai un'esàminu ma no iscidiat nudha ◊ si ti faghes s'esàminu de cuscéntzia, no deves dare su cunsentimentu Ètimu srd. Tradutziones Frantzesu examen Ingresu examination Ispagnolu examen Italianu esame Tedescu Überprüfung, Prüfung.

iscumpróu , nm Definitzione su iscumproare, su proare Sinònimos e contràrios abberguada, aprobbu, cumproa, iscumbata, proadura, provaveru Frases eo l'isco pro iscumprou Ètimu srd. Tradutziones Frantzesu vérification Ingresu check Ispagnolu control Italianu verìfica Tedescu Prüfung.

perífica , nf: berífica* Definitzione su provare a bíere o iscumbatare si una cosa o una beridade torrat paris cun d-un'àtera Sinònimos e contràrios abberguada, avilguamentu, cumproa, proa Tradutziones Frantzesu vérification Ingresu check Ispagnolu verificación Italianu verìfica Tedescu Prüfung.

«« Torra a chircare