Legenda Incurtzaduras | Legenda Sìmbulos

cadrallína , nf, nm: cadrelina, cadrullina, caldeglina, cardalina, cardedhina, cardeglina, cardeglinu, cardelina, cardellina, cardiglina, cardulina Definitzione genia de pigionedhu chi portat sa conca orrúbia, su tzugu niedhu píghidu in su gatzile e biancu in su gúturu, is pinnias in pitzu in colore de tanadu e biancas asuta cun sisias biancas e niedhas Sinònimos e contràrios cardanera, cardelita, carzolina, gallardina, gardèglia, passarilinu, tzingrulina / cdh. caldadhina Frases fintzas sa cardeglina addaghi no ti aciaras tue píulat delusa ◊ gei seis cadrallinas bellas! Terminologia iscientìfica pzn, carduelis carduelis tschusii Ètimu spn. cardalina Tradutziones Frantzesu chardonneret Ingresu goldfinch Ispagnolu colorín, pintacilgo Italianu cardellino Tedescu Stieglitz.

cardanèra , nf: codronera, cordonera 1, gardanera Definitzione genia de pigionedhu chi portat sa conca orrúbia, su tzugu niedhu píghidu in gatzile e biancu in su gúturu, is pinnias in pitzu in colore tanadu e biancas asuta chin sisias biancas e niedhas Sinònimos e contràrios cadrallina, cardelita, carzolina, gallardina, passarilinu, tzingrulina Maneras de nàrrere csn: fai sa cardanera = si narat de fémina irfatzida o de conca lébia chi faghet sa tziveta; erba de cardaneras = senecio leucanthemifolius, s. vulgaris Frases custa sennora est totu pintada che una cardanera! ◊ in sa mata chi tèngio in partza mia cantat sa codronera ◊ is cardaneras funt fendi su niu ◊ cantat sa cordonera in su beranu Terminologia iscientìfica pzn, carduelis carduelis tschusii Ètimu ctl. cadarnera Tradutziones Frantzesu chardonneret Ingresu goldfinch Ispagnolu jilguero Italianu cardellino Tedescu Stieglitz.

«« Torra a chircare