Ditzionàriu in línia
de sa limba e de sa cultura sarda

bórnia , nf Definitzione genia de bucone o gioga manna, chi si manígiat fintzes coment'e corru po sonare / borniedha de iscógliu = genia de animaledhu croxiu a bisura de bróina Sinònimos e contràrios corra, corredha, corróina, corroneta, tufa, tufigedhu Terminologia iscientìfica tritonium nodiferum Tradutziones Frantzesu triton Ingresu triton Ispagnolu tritón Italianu tritóne Tedescu Tritonsmuschel.

corrèdha , nf Definitzione gioga manna, chi si manígiat fintzes a usu de corru po sonare a pidedhadura; corgiolu buidu, bíciu, de castàngia, tega de fae; istugighedhu de corru a pònnere tebbacu o, prus mannu, a bufare abba in su sartu Sinònimos e contràrios bórnia, corra, corróina, tufigedhu / corredhu Frases cussas atitadoras si creent de èssere campanas de tinnu e sunt petzi corredhas arrughidas! Sambenados e Provèrbios smb: Corredda Terminologia iscientìfica sjl Ètimu srd. Tradutziones Frantzesu buccin (zool.) Ingresu conch Ispagnolu bocina Italianu bùccina marina Tedescu Tritonsmuschel.