Ditzionàriu in línia
de sa limba e de sa cultura sarda

métida, métidu , nf, nm: métodu Definitzione manera o critériu in su fàere una faina, un'istúdiu, in su cumportamentu, po pòdere arresurtare prus cumbeniosu, prus seguru, po s'arresurtau prus giustu, prus adatu, cunforma a un'iscopu Sinònimos e contràrios régula Frases at inventadu àteras métidas e maneras pro cuntentare sos ischivinzosos puru ◊ sa métida sua pro curare su dolore de mata fit a brincare su malàidu una pisedha bajana…◊ bi cheret métidu pro fàghere sa faina bene! Tradutziones Frantzesu méthode, système Ingresu method Ispagnolu método Italianu mètodo Tedescu Methode, Verfahren.

portzediméntu , nm: protzedimentu Definitzione su fàere, ma nau mescamente po sa manera chi unu tenet de fàere cun is àteros 2. giughes su protzedimentu de una béstia de mola e gai ses orijuda, isprotzedida, isàpida e limbuda! ◊ po su malu portzedimentu de sa mere, is tzeracos, tentos a fàmene, si che fuiant Tradutziones Frantzesu procédé Ingresu process Ispagnolu procedimiento Italianu procediménto Tedescu Verlauf, Vorgehen, Verfahren.