Legenda Incurtzaduras | Legenda Sìmbulos

melarègia, melarèja , nf: melarregra, melarreja Definitzione taedha de mele, su pane de chera totu buidedhos paríviles, búsciulos, ue s'abe ponet su mele; su mele ancora in sa bresca Sinònimos e contràrios arrega, avere, bresca, tipa 1 Terminologia iscientìfica sbs Ètimu srd. Tradutziones Frantzesu rayon de miel, gaufre Ingresu honeycomb Ispagnolu panal, bresca Italianu favo Tedescu Wabe.

règa , nf: arrega, era 2, règia, rege, regra, reja Definitzione su pane de chera totu buidedhos paríviles ue s'abe ponet su mele; sa fita de su casu segau in su cadhàrgiu po ndhe dhu piscare faendhodhu a pischedha / una rega de cazau = una fita de callau, de preta Sinònimos e contràrios avere, bresca, legra, melarègia, tipa 1 / fita Frases tirabat sas regras, las secabat e dogabat sa parte bianca ◊ una regra de mele t'imbio, pitzinnu innoscente! ◊ nche at sutzau su mele e fulliau sas regras ◊ leu, cheripighe, mele e chera pones in rejas bene modelladas Terminologia iscientìfica sbs Ètimu ltn. reg(u)la Tradutziones Frantzesu favus, rayon de miel Ingresu honeycomb Ispagnolu panal Italianu favo Tedescu Wabe.

sambenàgia, sambenàja , nf: sambenarja, sanghinaja, sangonaja Definitzione cranuga de còscia, gurone e dolore a s'ímbena; fintzes infetu chi faet a essiduras chi si faent a matéria, pitichedhedhas (laturredhas) chi assimbígiant, totus impare, a unu niu de espu Sinònimos e contràrios coscizola / ghesparju Terminologia iscientìfica mld Tradutziones Frantzesu adénite inguinale, favus Ingresu inguinal adenitis, favus Ispagnolu adenitis inguinal, panal Italianu adenite inguinale, favo Tedescu Leistenadenitis, Wabe.

«« Torra a chircare