Ditzionàriu in línia
de sa limba e de sa cultura sarda

aradàdhu , nm: aradhu, aragadhu, argadhu Definitzione sa crosta chi si dhue faet in sa pipa, in is carradas (genia de sales chi faent is binos); su brutore chi faet sa carre candho unu est de meda chentza samunau; runza carrada, cosa groga e tostada chi ponet a is dentes in is imbagas Sinònimos e contràrios aggaradhu, cacaradhu, cragadhu, làdharu, lorra, muga, radhu, telaguba Frases padedhas e frissiolos zughiant s'aradhu e benemindhe! 2. zughet s'aradhu in dentes ca no si las pulit Tradutziones Frantzesu tartre Ingresu encrustation, tartar Ispagnolu tártaro Italianu grómma, tàrtaro Tedescu Weinstein, Zahnstein.

cròsta , nf: grosta Definitzione pigighedhu o pígiu tostau de calecuna cosa, fintzes sàmbene sicau de una segada, genia de pigioledhu chi si ndhe istacat de sa pedhe (mescamente de conca); foedhandho de sa Terra, su pígiu de fora fatu de orroca, su prus fridu e tostau; sa parte grussa de is fògias (mescamente de fògias mannas ladas e longas, in mesu, de su tenaghe, o atacau a su cambu, a sa punta, o fintzes própriu su tenaghe)/ crosta de càule, de cartzofa, de bardureu = sa foza in su tretu prus russu, sa foza; crosta de gliaga, de runza, de tzerra, de conca, de carrada, de pane Sinònimos e contràrios ancrosta, atiza, atògia, cadassa, freadu, muga, pagiagoda, solla, tizola / semu / costalla Frases sa freguedha, candu est cundia, si ponit in su forru a fai sa crosta Sambenados e Provèrbios smb: Crosta Ètimu itl. Tradutziones Frantzesu croûte Ingresu crust Ispagnolu costra, corteza, caspa Italianu cròsta, grómma Tedescu Kruste, Weinstein.

ingrumài , vrb: ingrummai Definitzione pònnere sa crosta, sa grumma Sinònimos e contràrios aggromare, aggrostare, aradhare Ètimu srd. Tradutziones Frantzesu entartrer, incruster Ingresu to encrust Ispagnolu incrustar Italianu ingrommare, incrostare Tedescu mit Weinstein bedecken, sich verkrüsten.

telacúba , nf: telaguba, telecuba, telegua, tellecuba, tellegua Definitzione tela de cuba: crosta, pígiu grussu e tostau chi abbarrat in su fundhu de sa carrada, genia de sales chi faent is binos Sinònimos e contràrios aradadhu Frases po picai sa tellecuba in is cuponis mannus si intràt aintru (e si bendiat a is lambicus) Ètimu srd. Tradutziones Frantzesu tartre Ingresu tartar Ispagnolu sarro Italianu tàrtaro Tedescu Weinstein.