Legenda Incurtzaduras | Legenda Sìmbulos

aciúnta , nf: agiunta, azunta Definitzione sa cosa o su tanti chi si aciunghet a un’àtera; cosa chi si narat, chi si contat in prus de su chi est su contu; in s'arau de linna cun sa timona in duos orrugos, sa parte de sa punta cun sa carícia (s'àtera est su pei) postas impare a bisura de innestu chi narant coja, una in pitzu de s'àtera, poderadas impare cun obbilos, craos / min. agiuntighedha; s'agiunta de su palinedhaju (bendhindhe cosa)= cosighedha de perunu contu, nudha Sinònimos e contràrios agianta, agiúnghida, agnanta, agualamentu, annànghida, annatura, annunta, insertu 1 | ctr. iscontu, méngua, mímina, scómputu Frases dónnia aciunta est bona, che cudhu chi pisciada a mari! ◊ po aciunta seo cegu puru camminandho a bachedhu a manu in muru (F.Mereu) Ètimu srd. Tradutziones Frantzesu adjonction Ingresu addition Ispagnolu añadidura Italianu aggiunta, integrazióne Tedescu Zusatz.

agnànta , nf: annanta, annata Definitzione su aciúnghere e pruschetotu sa cosa o su tanti chi si aciunghet; cosa chi narant in prus de su chi est sa beridade, candho si contat unu fatu Sinònimos e contràrios aciunta, agianta, annànghida, annunta | ctr. mímina Maneras de nàrrere csn: a part'e annata = itl. d'altrónde; a mal'e annata = pro parte mal'agianta, pro aciunta, a prus de s'àteru Frases sa mama l'at brigau e zeo l'apo dau s'annata 2. nois a su contu un'annata bi la ponimus 3. bos sezis fatos intendher fintzas a carrela, a part'e annanta faghindhe lúmenes de zente connota! ◊ a part'e annata, no poto fàghere totu deo! ◊ como mi ponent totu a zocadorju e, a mal'e annata, cuss'arga de prefetinu m'at a facher lassare sentza binu (G.A.Solinas) Ètimu srd. Tradutziones Frantzesu addition, adjonction Ingresu addition Ispagnolu añadidura Italianu aggiunta Tedescu Zusatz.

amméru , nm Definitzione su ammerare, sa cosa o su tanti chi si ammerat, chi si aciunghet Sinònimos e contràrios aciunta, agianta, agiúnghida, agnanta, annànghida, annunta Frases isperavant de acatare su nive iscazau in su monte e a su contràriu ant acatau sos ammeros! ◊ su carradore passaiat su sacu de una fémina a s'àtera pro fàghere s'ammeru de s'olia coglida Ètimu srd. Tradutziones Frantzesu addition, adjonction Ingresu addition Ispagnolu añadidura Italianu aggiunta Tedescu Zusatz.

«« Torra a chircare