ammaghiadòre , nm, agt: ammajadore, majadore Definitzione chi o chie ammàghiat, faet maias, incantat (fintzes cun sa bellesa o àteru chi praghet meda) Sinònimos e contràrios ammainadori, maghiarju / ammajaditu 2. est unu sonu gai bellu… ammajadore! ◊ in cussu mundhighedhu, in s'ospilesa ammajadora, tanta bellesa l'at fatu ismentigare sos ispannos (F.Murtinu)◊ at cantadu cun boghe ammajadora Ètimu srd. Tradutziones Frantzesu ensorcelant Ingresu charmer Ispagnolu fascinante, encantador Italianu ammaliante, ammaliatóre Tedescu bezaubernd, Zauberer.

ammajadítu , agt: ammaxaditu Definitzione chi ammajat, chi incantat de cantu est bellu, bonu, de cantu praghet Sinònimos e contràrios ammaghiadore, ammainadori, anfaneri Ètimu srd. Tradutziones Frantzesu séduisant Ingresu seductive Ispagnolu encantador Italianu seducènte, incantévole Tedescu bezaubernd.

fadadòre , agt Definitzione chi incantat, chi faet incantare Sinònimos e contràrios incanteri, melindreri Frases fint oras fadadoras, totu gosu e sentza rughe Tradutziones Frantzesu enchanteur Ingresu enchanting, enchanter Ispagnolu encantador Italianu incantatóre Tedescu bezaubernd.

incantósu , agt Definitzione chi est deasi bellu o praghet meda de incantare Sinònimos e contràrios incantadore, incanteri, istravanau Frases cantu bellu, maju, e incantosu: de fiores divinos as tesoro! (P.Fais)◊ friscu, fist incantosu veramente e como, tristu, ca ses allizadu, ne colore ne forma as atraente ◊ o sognos incantosos, crétida s'apo dadu! ◊ sas ervas agiummai sicas pariant un'incantosa coberta de seda indorada Ètimu srd. Tradutziones Frantzesu charmant Ingresu charming Ispagnolu encantador Italianu incantévole Tedescu bezaubernd.

stravanàu , agt: istravanau* Definitzione dhu narant prus che àteru po bellu o bonu meda; nau de sa manera de fàere, de unu, chi no dhue pentzat meda, chi faet unu pagu a sa maconatza, fintzes faendho dannu Sinònimos e contràrios incantosu, ispantosu, manninu, meravizosu, togo Frases stravanau!…, tropu bellu! 2. funt stravanaus, cussus: su pipiu no narat mancu "a" chi dh'ant giai cuntentau! Tradutziones Frantzesu charmant, inconsidéré Ingresu charming, hasty Ispagnolu encantador, imprudente, desatinado Italianu incantévole, avventato Tedescu bezaubernd, leichtsinnig.

«« Torra a chircare