impeltàntu , avb: impertantu, impestantu, ispestantu, impetantis Definitzione in su matessi tempus chi… Sinònimos e contràrios imperistantu, intere, intertantu, istepetantis, paristantu, pestantu, sughestantu, tramente, trassintru, trastempus Frases in s'ispestantu nois semus cabulados a bidha ◊ in s'ispestantu sos pisedhos fint gioghendhe Tradutziones Frantzesu pendant que Ingresu meanwhile (in the) Ispagnolu mientras Italianu méntre, nel frattèmpo Tedescu während, inzwischen.

intère , nm, prep: interi, ínteri, interis, íntiri, intiris, iteris Definitzione s'ora, su tempus tra duos momentos, tra duos oràrios diferentes: tra, in mesu de… / inter'e mesu de… = in mesu de…, intremesu Sinònimos e contràrios assunteris, impeltantu, interinti, intertantu, paristantu, pestantu, sughestantu, tramente, trassintru, trastempus / inter, tra Frases lu devias nàrrere in s'intere ◊ in s'interis seus andaus a biri calincun'àtera cosa, po no abarrai abetendi ◊ in s'interis, su fàmini dhi pigàt a iscrafíngiu, poita fiant giai passadas binti cuatru oras sentza tastai nudha ◊ in s'interi chi fit andhendhe a crésia 2. interis is tessíngius e is arricamus tessiat is sonnus puru 3. apo apubadu un'iscritura antiga e àteros signales inter'e mesu de molas e cubas Ètimu ltn. interim Tradutziones Frantzesu en attendant, pendant que Ingresu while, interim Ispagnolu mientras tanto Italianu frattèmpo, méntre, interim Tedescu inzwischen, Interim.

intertàntu , avb: intretantu Definitzione inter tantu, in su tempus chi acontesset calecuna àtera cosa / in s'intertantu = sughestantu Sinònimos e contràrios impeltantu, intere, interistantis, iscantonis, istantonis, istepetantis, paristantu, pestantu, sughestantu Frases e intertantu si filat sa beste chi det portare in s'àula celeste in s'últimu viàgiu aventurosu (P.Casu)◊ milla s'ora de sa note ch'istirriolat traza traza èsseres chena isetu e intrestantu abbiat caras a s'ispera de un'ora menzus de vida (T.Tedde) Ètimu spn? Tradutziones Frantzesu en attendant, entre-temps Ingresu meanwhile Ispagnolu entretanto Italianu frattanto, intanto Tedescu inzwischen, mittlerweile.

paristàntu , avb: perintantu, peristantu, prestante 1 Definitzione in su matessi tempus chi… / in su p. = sughestantu Sinònimos e contràrios impeltantu, intere, intertantu, istantonis, pestantu, sughestantu Frases perintantu fit preparendhe una tana acurtzu a sa sua ◊ peristantu, nois sighimus sa tràstama in su caminu sinnadu ◊ deo bos iseto e peristantu filo e tesso 2. in su prestante, paritzos comintzant a s'irmalaidare ◊ in su prestante fint crómpitos a su cuile Ètimu srd. Tradutziones Frantzesu en même temps Ingresu meanwhile Ispagnolu mientras, mientras tanto, entretanto Italianu intanto Tedescu inzwischen.

pestàntu , nm, avb: potantis Definitzione tempus, su matessi de calecuna àtera cosa Sinònimos e contràrios impeltantu, intere, intertantu, mentras, paristantu*, sughestantu Frases in su pestantu chi tue remonis, eo mi bufo su cafè ◊ in su pestantu deo mi cuesi e abbaidaia dai unu tuvedhu ◊ pestantu chi tue faedhas cun isse, eo mi paso! ◊ si a bias mi biso dai artu falendhe cun su corpus bolàntigu e isortu, naro a mie matessi chi so mortu in su pestantu chi so lorumendhe (G.Ruju) 2. sa noti, potantis, fiat cumentzendu a isterri su pannu niedhu… Tradutziones Frantzesu entretemps Ingresu while Ispagnolu mientras, entretanto Italianu méntre, frattanto Tedescu während, inzwischen.

sughestàntu , avb Definitzione su tempus chi est in mesu de duos fatos chi benint unu innanti unu posca, inter su cuménciu e s'acabbu de unu fàere Sinònimos e contràrios debotantis, impeltantu, intere, intertantu, iscantonis, istantonis, paristantu, pestantu, tramente, trassintru, trastempus Frases sughestantu chi sa robba est paschindhe nois nos corcamus un'iscuta ◊ deo fato sos letos: tue sughestantu mundha su logu! Ètimu srd. Tradutziones Frantzesu entre-temps Ingresu meantime Ispagnolu entre tanto Italianu frattèmpo Tedescu inzwischen.

«« Torra a chircare