Legenda Incurtzaduras | Legenda Sìmbulos

iderrigàri , vrb: irderrigai, irdirricare, sdarrigai Definitzione fàere a dolore o pònnere dolore mannu a errigos, a s’ischina in su tretu de is errigos Sinònimos e contràrios illumbai, illumbedhare, irrenare, isarrigai, iscrocare 1, isderenare Frases is massaus si funt irderrigaus carrixandu Ètimu ltn. *ex derenare Tradutziones Frantzesu causer mal aux reins Ingresu to weary Ispagnolu doler los riñones desriñonar Italianu direnare Tedescu kreuzlahm machen.

irrenàdu , pps, agt Definitzione de irrenare; chi portat dolore forte a is errigos Sinònimos e contràrios iderrigau, irderenadu, isarrigau, iscarrucau 2. so irrenada, a dolores, no poto leare una cradea! Tradutziones Frantzesu éreinté Ingresu exausted Ispagnolu derrengado Italianu slombato Tedescu kreuzlahm.

iscrocàre 1 , vrb: iscrogare, scrogai Definitzione bogare de sa croga; segare, fortzare a tropu sa crughe de is crogas, segare s'ischina, fàere isfortzu tropu, istampare su corgiolu de s'ou (nau de is pudhighinos naschindho); nau cun tzacu, fàere impresse, cúrrere a fàere ccn. cosa Sinònimos e contràrios iderrigari, illumbai, illumbedhare, irrenare, isarrigai, iscrodocare, isderenare / illutonare / bisestrare, iscollare Frases dae minore soe iscrocada e no apo pótiu arritzare prus! ◊ arratza da balentia… za no si est mancu iscrocau! 2. sos puzonedhos ant iscrocau duas dies a oze ◊ sos ch'istóigas mentes si forrogant, sas lodes no isetes chi t'intreghent ca chin inzenzos su coro t'iscrogant! (P.Giudice Marras) 3. no pesses chi s'est iscrocau pro azudare a tibe! 4. custa fémina caminat topitopi, totu iscrogada! Ètimu srd. Tradutziones Frantzesu éreinter Ingresu to exaust Ispagnolu derrengar, deslomarse Italianu slombare Tedescu kreuzlahm machen.

lúmbinu , agt Definitzione chi portat dolore a lumbos Sinònimos e contràrios illatonadu, illumbadu, iscrocau, iscumaradu Frases su cadhu baju, lúmbinu e pei tortu, lu teniat bíndhighi dies in domo, dèndheli meighinas Ètimu srd. Tradutziones Frantzesu éreinté Ingresu exausted Ispagnolu derrengado Italianu slombato Tedescu kreuzlahm.

«« Torra a chircare