Legenda Incurtzaduras | Legenda Sìmbulos

assuconài , vrb: assunconai, atzuconai, atzunconai, sunconai, tzuconai Definitzione prànghere a suncutos, a assuconis, a meda de no pòdere mancu torrare àlidu; fàere moida coment'e assuconis Sinònimos e contràrios assungurtai, assupedhare, piànghere Frases assunconendi disisperau mi fia cuau in is lentzorus ◊ fiat prangendu e assunconendu coment'e unu pipiu ◊ su dolori dha fait atzuconai ◊ dh'at atzuconau che mortu 2. est lómpiu apustis de totu una dí chi su trenu iat assunconau Ètimu srd. Tradutziones Frantzesu sangloter Ingresu to sob Ispagnolu sollozar Italianu singultire Tedescu schluchzen.

assucòni , nm: assunconi, assuconu, sunconi* Definitzione genia de respiru a cropu chi si faet candho si pranghet meda Sinònimos e contràrios assupedhu, singurtu, sucúturu, surpúliu, tzúcuri Frases itzia Francisca si donàt surras de prantu cun grandus suspirus e assuconus Ètimu srd. Tradutziones Frantzesu hoquet, sanglot Ingresu sobbing Ispagnolu sollozo Italianu singulto Tedescu Schluchzen.

assungurtài , vrb: singultare* Definitzione prànghere a suncutos, a supedhu Sinònimos e contràrios assuconai, assupedhare Frases prangit e assungurtat po su dannu mannu chi at tentu Tradutziones Frantzesu sangloter Ingresu to sob Ispagnolu sollozar Italianu singultire Tedescu schluchzen.

assupedhàre , vrb Definitzione prànghere a supedhu, a suncutos Sinònimos e contràrios assuconai, assungurtai Ètimu srd. Tradutziones Frantzesu sangloter Ingresu to sob Ispagnolu sollozar Italianu singultire Tedescu schluchzen.

singultàre , vrb: assungurtai, singurtai, singurtare, singutai, sungotai, sungurtai, sungurtare Definitzione prànghere a suncutu, tzunchiare pranghendho Sinònimos e contràrios assuconai, assupedhare Frases de comenti dh'apu inténdia sungotendi mi est ammodhiau su coru Ètimu ltn. singultare Tradutziones Frantzesu sangloter Ingresu to hiccup Ispagnolu sollozar Italianu singhiozzare Tedescu schluchzen.

singúrtu , nm: singutu, sungúrtidu, sungurtu Definitzione est s'assúpidu, su mancamentu de àlidu, chi benit a chie est pranghendho a meda, genia de arrespiru a corpu po carda de prantu Sinònimos e contràrios acoramentu, assupedhu, atzuconamentu, súcunu, sucúturu, súsperu, surpúliu, tzuconi, tzúcuri Frases trista sorte: est bénnida sa die de prànghere a sungurtu! ◊ est prangendi a singutus che unu pipiu ◊ in urigas m'istronat su sungurtu de dolore de sa mama ◊ po dhi fai passai is sungúrtidus, a su pipiu, sa mamma dhi at donau tzúcuru Ètimu ltn. singultus Tradutziones Frantzesu sanglot Ingresu sob Ispagnolu sollozo Italianu singulto Tedescu Schluchzen.

«« Torra a chircare