gelài 1, gelàre , vrb: zelare Definition àere, pònnere o sentire gelu, regelu contras a unu o calecuna cosa / g. male a unu = no piàghere; pro chi eo male ti gele = mancari no ti piaga Sentences fustei puru est istróllica, no s'iscít a chini istimat e a chini gelat: cussas puru funt fillas! ◊ "m'istimat, mi gelat" funt is fuedhus chi narant ispollendi unu frori po biri comenti arresurtat… Etymon itl. gelare Translations French avoir de l'aversion contre qqn., antipathie English to feel a strong dislike Spanish sentir antipatía Italian sentire avversióne, antipatìa, detestare German gefroren, eisig, Eis.

nóscu , nm Definition genia de sentidu, ifadu o gana lègia contr'a calecuna cosa chi no praghet o chi no si bolet Synonyms e antonyms aburia, afàstiu, àscamu, coscu, dilgéniu, gheléstia, grisu, ischifu Sentences chi tui dha istimas de coru, no timas su noscu de chini no bollit! ◊ fut de diora chi connada mia teniat unu noscu contras a is sorris mias Translations French aversion, répugnance, antipathie English dislike, loathing Spanish aversión, repugnancia Italian avversióne, ripugnanza, antipatìa German Abneigung.

regélu , nm: rezelu Definition genia de dispraxere, calecuna cosa chi si sentit in contràriu a ccn. o a calecuna cosa chi praghet pagu Synonyms e antonyms reselu*, sustu 2 Sentences sighi puru dogni dispetu, pòrtami ódiu e regelu! (P.Mossa)◊ sunt in brama de ispossessare a mie dae chelu sena mancu tènnere rezelu de s'ànima! Translations French antipathie English aversion Spanish recelo Italian antipatìa German Abneigung.

tíca , nf Definition genia de sentidu malu contr'a ccn. Synonyms e antonyms tírria Idioms csn: pònniri o tènniri t. a unu = leàrelu a mal'ogru, ficàreli ódiu; ghetai t. a ccn cosa = arripítiri unu cumportamentu, una manera de nàrriri o de fai; giàiri t. a unu = adduire a su chi cheret unu, mustràresi de acordu 2. immoi dhi at ghetau tica a narri cussu fuedhu e no dh'acabbat prus! Surnames and Proverbs smb: Ticca Translations French ennui, antipathie English dislike Spanish antipatia Italian ùggia, antipatia German Abneigung.

tírria , nf: (sa t. = nr. satírria) tírriu 1 Definition genia de sentidu malu contra a s'àteru, coment'e de ódiu, a dispetu Synonyms e antonyms ascru, imbídia, malàstiu / corconu | ctr. istima Idioms csn: ghetai t. a unu = ficare ódiu; èssiri a t. de pari = unu contras a s'àteru a chie ndhe podet fàghere de prus, de dirbetos, coment'e zente chi no si podet bídere; tènniri t. a ccn. = no lu poder bídere tichedhu; pònnere sas tírrias a unu = bogaidhu in bregúngia, desdorai Sentences medas funt impastaus de tírria chi no fait a dhu crei! ◊ galiotos sunt tessendhe tírrias e brigas isfoghendhe sos ódios tzotzidos ◊ funt currendi in tírria e a trivas cun is pretocaus! ◊ cussu est tírriu chi sentit, no est atru! Surnames and Proverbs smb: Tirria Etymon spn. Translations French rancune, perfidie, antipathie English rancour, dislike, perfidy Spanish tirria Italian àstio, perfìdia, antipatìa German Groll, Heimtücke, Abneigeung.

«« Search again